Киирии

Киирии

Yлэтэ суох күдээринэ сылдьар, чугас дьонун “моойдоругар олорор” ыччат бырамыысыланнас идэлэрин баhылаатыннар, саха дьоно үрдүк хамнастаах үлэлэргэ тигистиннэр диэн үгүстүк суруйабын.

Билигин даҕаны саха ыччата АЛРОСА тэрилтэлэригэр үлэҕэ киирэр кэскилэ баар.

Чуолкайдыыбын – эдэрдэргэ уонна идэтийиилээхтэргэ диэн.

Билигин Мииринэй хайаны байытар кэмбинээтин автобазатыгар, Бүлүү эспэдииссийэтигэр, «Якутнипроалмаас» институкка буола турар сарбыйыылары дьон ыараханнык ылынар.

Ол эрээри, чуолаан, Удачнайга үлэ арааhа тахсар.

Инникитин бу маннык далбар буолбата чуолкай.

Хамнастаах миэстэ былдьаhыга – биллэр дьыала.

Ону билэн атын эрэгийиэн дьоно, ким-хайа иннинэ кэлэ охсон, алмааска үлэлиир буоллулар.

Мииринэйи, Айхалы, Удачнайы, Ленскэйи да ыллахха, туох баар үрдүк хамнастаах, талыы-талба, үптээх-астаах үлэлэр олус сыыдамнык үллэhиллэ тураллар.

Удачнайга, Мууна баhыгар туох-ханнык үлэ баар эбитий?

elektrom

 

«Удачнай» ХБКга үлэ арааhа тахсан эрэр.

Тэхиниичэскэй идэлээх саха ыччатыгар бу кэскиллээх сир туhунан балачча сурулунна дии саныыбын.

Бу – баахта ньыматынан үлэлииргэ анаан тэриллэр Мууна баhын (Верхне-Мунское месторождение алмазов) бырамыысыланнастаах учаастага.

Манна быйыл – 598, 2019 сылга – 200 үлэ миэстэтэ тахсыа диэн Удачнай хайаны байытар кэмбинээтин салалтата биллэрэн турар.

Уопсайынан, Удачнай ХБК, ханнык идэлэргэ дьону үлэнэн хааччыйарга бэлэмин этэбин.

Мууна алмаастаах сиригэр, «Е» категориялаах суоппардар, улахан уйуктаах самосваллар суоппардара (карьердарга), 90 т уйуктаах авто-пуойас суоппардара, бульдозер машинистара, дизель станциятын үлэhиттэрэ, хайа боруодатын дэлби тэптэрээччи, экскаватор машиниhа, үүттүүр-чүүччэйэр станок (буровой станок) машиниhа, маркшейдер, автомеханик, силиэсэрдэр, баахта учаастагын остолобуойгар ас астааччылар, куукуна оробуочайдара, хочуолунай үлэhиттэрэ, сантехниктар, столярдар, болуотунньуктар үлэ миэстэтин булар кыахтаахтар.

Саха дьоно тэхиниичэскэй идэтийиибит татым буолан эрэйдээччи.

Оттон бу ааспыт нэдиэлэ бүтэhигэр Мууна баhын учаастагар идэтийиитэ суох үлэhиттэр, оробуочайдар ирдэнэллэр диэн биллэриини иhиттим.

Аhылыктара уонна уопсай дьиэлэргэ олорууларын ороскуота – тэрилтэ суотугар.

Аны «Удачнай» руднигы көрүөххэ.

Манна хайа маастара, инженер, механик, боруоданы дэлби тэптэрээччи, сир аннын тиэхиньикэтин (ПДМ, ПСМ) машинистара, силиэсэрдэр ирдэнэллэр.    

«АЛРОСА-Гааска» вакансиялар

«АЛРОСА-Гаас» – «АЛРОСА» самалык (дочернее предприятие) тэрилтэтэ.

Идэтийиилээх дьоҥҥо манна үлэ булар кыах баар. Ханнык идэлээх дьоҥҥо наадыйалларый?

  • Силиэсэр-наладчик (5-с эрэсэрээт).

  • Маркшейдер (үс сыл бу идэҕэ үлэлээбит буолуохтааххын).

  • Уот-күүс, гаас тула үлэлиир сварщик (5 эрэсэрээттээх электрогазосварщик).

  • Автоматика систиэмэтин салайыы инженерэ.

promobyekty

«ТаасYрэхнефтегаздобыча» туох кэскиллээх олорор?

“Таас-Yрэхнефтегаздобыча” хампаанньа Орто Ботуобуйа сиригэр баар учаастагар 700-чэ киhи үлэлиир. Олортон Саха сириттэн сылдьааччыта – 250 эрэ.

Быйыл балачча вакансиялаахтар эбит да, биhиги дьоммут идэтийиилэрэ суох буолан хаалар.

Ол курдук манна, силиэсэрдэр, монтажниктар, үүттүүр-чүүччэйэр станок (бурстанок) машинистара, маастардара, ньиэп утумугар аналлаах идэтийиилээх оператордар, диспиэччэрдэр, лабораннар, элиэктириктэр ирдэнэллэр.

Чуолаан ордук ханнык идэлэр ирдэнэллэрин суруйуум.

  • Энерго-сыахха – диспиэччэр. Геодезист.
  • ГСМ ыскалаатыгар – кладовщик.
  • Баhаартан куттала суох буолуу сулууспатыгар үлэhит.
  • Олох-дьаhах сулууспатыгар үлэhит (адм-хаhаайыстыбаннай чаас).
  • Хонтуруол сулууспатын үлэhитэ.
  • Хочуолунай оператора (5-с эрэсэрээт).

Кэнники ыйбыт идэлэрбэр саха дьоно холкутук холонор кыахтаахтар.

Биир «ноо» баар. Ол – хамнас боппуруоhа. Холобур, 60-70 тыh. солк. хамнастаах үлэни булбут киhи тосхойбут «дьолун» биир суол мунаардар. Баахта ньыматынан үлэлээччи биир ый үлэлээн итиччэ харчыны аахсар. Биир ый сынньанар. Хамнас суох. Оттон тэрилтэ, баахтабыык айанын суолун уйуммат түгэнигэр, бу дьyккyhyy соччо барыыhа суох буолан тахсар. Аны сорох тэрилтэлэр аhылыгыҥ, олороруҥ иhин хамнаскыттан туталлар. Ону эрдэттэн билсэн, барыстаах суолу батыhар ордук.

Оттон «РНГ»?

«Ростовнефтегаз» (РНГ) Мииринэй оройуонугар дэлэй ньиэптээх сири булан турар. 2018 сыл алтынньытыттан ыла ньиэп тигинэччи хостонон барыахтаах. Ол туhугар ньиэп хостуур Киин (Центральный пункт сбора нефти) үлэлиэхтээх. Онно анаан тутуу бара турар. Сайын, күhүн, бу тутуу ордук эрчимириэхтээх.

4-6 миэстэлээх вагончиктардаах баахта олорор учаастага тутуллан бүттэ.

Бу «Роснефть» самалык тэрилтэтэ. Мииринэй куоратыгар хонтуора арыйда. Мантан сылыктаатахха, үлэ да миэстэтэ тахса туруо диэн эрэл баар. РНГ ордук туоххаhыйан ханнык идэлэргэ үлэhиттэри сүүмэрдиир эбитий?

  • Алтыс эрэсэрээттээх силиэсэр-элиэктирик.
  • Автомат уонна «полуавтомат» тэриэбэ наладчига.
  • Агрегаттары хааччыйар алтыс эрэсэрээттээх силиэсэр.
  • Автокран машиниhа (7-с эрэсэрээт).
  • Манипулятор оператора.
  • Экскаватор машиниhа (5-с эрэсэрээт), бульдозер машиниhа (6-с эрэсэрээт).
  • Суоппардар (4-с,5-с, 6-с, 7-с эрэсэрээттэр).
  • Диспиэччэр (технологическай тырааныспарга). Мэхээнньик (технологическай тырааныспарга).
  • Мас суулларааччылар, солооччулар. Тырахтарыыстар (6-с эрэсэрээт).
  • Рамщик (5-с эрэсэрээт).
  • Электромонтердар (5-с эрэсэрээт).
  • Бульдозер машиниhа (6-с, 8-с эрэсэрээттэр). Погрузчик машиниhа (6-с эрэсэрээт).
  • Изолировщик (5-с эрэсэрээт).
  • Электро-сыбаарсык (6-с эрэсэрээт).
  • Турба ситимигэр монтажник (6-с эрэсэрээт).
  • Тимир уонна ыстаал конструкцияларга монтажниктар (2, 5-с эрэсэрээттэр). Стропальщик(5-с эрэсэрээт).
  • Суол оробуочайа (4-с эрэсэрээт).
  • Автогрейдер машиниhа (7-с эрэсэрээт).
  • Логистика менеджерэ (Ыскалаат).
  • Химическэй анализ лаборана (4-с эрэсэрээт).
  • Повар (4-с эрэсэрээт). Горничнай (1 эрэсэрээт). Олбуор сиппийээччитэ.

Накыын уруудалаах сиригэр дьиэ сууйааччылар ирдэнэллэр

Накыын баахтатын «куоратыгар» дьиэ сууйааччылар ирдэнэллэр. Оттон Ньурба улууhуттан Накыын диэки, дьон туох эрэ биричиинэнэн, соччо барбат-кэлбэт буолбут. Хамнастара син сэргэх.

45 күн баахта иhин 50 тыhыынчаны ылар эрэл баар.

Rabspes

Сүлдьүкээргэ геологтары кытары үлэ

Бүлүү эспэдииссийэтэ бу сааhы быhа Сүлдьүкээр геологическай учаастагар 2 ИТР, 4 идэтийиитэ суох үлэhити була сатаан биэрдэ.

Туох да диплома, идэтийиитэ суох дьоҥҥо 60-ча тыhыынча хамнас бэртээхэй буолуо эбит. Ыччат дьон, тыа, үрэх баhыгар баралларын ыарык гыналлара билиннэ. Эдэр дьоммутун дьыбаантан, тэлэбиисэртэн, Интэриниэттэн арааран, бэйэлэрэ бигэ килиэптэнэллэрин курдук дьаныhыыбыт сол да ыарахан эбит.

 

«АЛРОСА-Охрана»: Эмиэ идэтийиитэ суох сатаммаккын

«АЛРОСА-Охрана» - «АЛРОСА» самалык тэрилтэтэ буолан, Кэлэктиибинэй дуогабар (КД) сиэринэн, туох баар бириэмийэлэри, бонустары, айан ороскуотун толуйууну аахса олорор. Хамнастара да сириллибэт. Бу тэрилтэ сотору-сотору харабынайдарга анаан үлэ миэстэтин таhаартыыр. Онно эппиэттэhэргэ тустаах уопуттаах, эрэсэрээттээх буолуохтааххын. Аны, туран, “АЛРОСА-Охрана” харабынайдарга эрэ буолбакка, уот-күүс уонна сибээс монтажниктарыгар наадыйар. Маннык тэрилтэ баарын билсэ, тургута сылдьаргыт буоллар. Билигин Мууна баhыгар («Верхне-Мунское месторождение») алмаас хостонуутугар харабынай арааhа ирдэнэр. Ону уталыппакка ыйыталаһар наада.

Мииринэй оройуонугар ирдэммэт идэлэр

Бастатан туран, манна искусствоведтар, культурологтар, психологтар, экэнэмиистэр, буҕаалтырдар, түмэл, турфирма үлэhиттэрэ олох ирдэммэттэр. Экэнэмиистэри уонна буҕаалтырдары сарбыйыы бара турар. Бааннарга сарбыйыы ыытыллан үлэ миэстэтэ татым. Тыа хаhаайыстыбатын салаатыгар идэтийэр дьоннорго эмиэ үлэ суох.

Онон, түмүктээн эттэххэ, ким да «хараххар үүт ыкпат» кэмигэр үлэ боппуруоhугар сытыы-хотуу буолар ирдэнэр.        

 

Станислав Алексеев. Мииринэй куорат.

    

Тарҕат:

Ырытыы  

Мухин василий никола
+36 Мухин василий никола 13.04.2018 18:57
Олус үчүгэй солун суруллубут,эдэр ыччаппыт дьэ үчүгэй хамнастанан,дьиэ уот тэринэн,саха саарына буола этэ дии,сиэбигэр харчылаах,баҕа санаалаах үчүгэй аҕа
Ответить
Земляк
+11 Земляк 13.04.2018 19:16
Маладьыас ..Бу барытын сааhылаан суруйбуккар.
Ответить
Земляк
+21 Земляк 13.04.2018 19:18
Недропользователлэр олохтоох дьону ылабыт диир кэмнэрин тутуу былдьаhыахха наада.
Ответить
Телефоны Удачки
+38 Телефоны Удачки 13.04.2018 19:29
Суол хаайда. Якутскайтан Полярнайга диэри самолетынан барыахха сеп. Эрдэттэн туох наадатын ыйыталаhан баран.
Удачнинский Гок телефоннара: 8 41136 5 52 25 8 41136 5 67 65

Насчет работы на Верхнемунском месторождении диэн.
Ответить
Борис
+4 Борис 13.04.2018 20:31
Махтал!
Ответить
С Мирного
+37 С Мирного 13.04.2018 20:44
Вот контактные телефоны известных работодателей -- нефтегазовых предприятий.
АО "РНГ" , или "Роснефтегаз": 8 -927- 761 -34 -99. 8 -495- 662- 71- 33.
e-mail: .
ООО "Таас-Юряхнефтегаздобыча". город Ленск. 8-41137 - 48 956. Офис находится в г.Ленске а производственные объекты вблизи села Таас-Юрях Мирнинского района. 170 км. от города Мирного. Ездят такси и вахтовки.
Ответить
Аахпыт
+9 Аахпыт 14.04.2018 07:46
Олус бэрт информация. Махтал!
Ответить
ИВ
+6 ИВ 14.04.2018 10:58
Наадалаах дьыала.
Ответить
Местнай
+30 Местнай 14.04.2018 21:54
Мирнэйгэ бэйэтигэр алдьархайдаах сокращения бара турар. Автобазаларга иккис оптимизация бара турар. Недовольнай махраа курдук. Пенсияларыгар тахсаллара субу кэлбит дьону игин ыыталаатылар. Эдэрдэри Удачнайга ыыталыыллар. Мирнэйгэ холоотоххо быдан куhахан сир. Саатар мас да суох сирэ. Тундара куйаара. Тыал да тыал дойду. Дьон бе5ете yлэлии кэлэн Удачнай проходной двор куддук. Дьиэ арендата ынырык сыана. Ваще сыаналара наhаа ыарахан. Yчyгэйэ диэн Полярнайтан Якутскайга диэри самолет сылдьар. Кыhын Якутскайга диэри межгород такси сылдьар. Олор эмиэ харчы диэн баран сылдьар дьон. Бастаан утаа тулуйуоххутун наада бу сир ыарахан тыынын. Кылаабынайа арыгылаамыахха наада. 7-8 сыл киhи yлэлээн харчы мунньунуон сеп сирэ. Чэ, ситиhиилэри..
Ответить
Куда обратиться
+27 Куда обратиться 15.04.2018 15:26
Айхальский ГОК -- 6-40-71. 6-40-40. 6-13-19. Приемная.
Нюрбинский ГОк-- 9-09-83. Отдел кадров.
ООО "Алроса-охрана"-- 3-13-69. 9-11-72.
Ответить
Куда обратиться
+27 Куда обратиться 15.04.2018 15:32
Таас-Юряхнефтегаздобыча. 8 41137 4 77 34.
3 15 90.
"Алроса-Газ". 3-41-25. 4-53-71.
Ответить
Сепке да эттин
+7 Сепке да эттин 17.04.2018 07:10
Оо, маладьыас!
Ответить

Ырытыыгын суруй

Защитный код
Обновить

Бүтэһик сонуннар