Өлөөн улууһун Харыйалааҕар саҥа оскуола-сад тутуутун 2021 сылга түмүктүөхтэрэ.
Айсен Николаев Өлөөҥҥө сырыытын кэмигэр улуус социальнай-экэнэмиичэскэй сайдыытын сыаналаата. Кини улуус кэнники сылларга биллэ сайдыбытын, Арктика улуустарыгар бары көрдөрүүлэринэн инники күөҥҥэ сылдьарын бэлиэтээтэ. Харыйалаахха төһө да хамсык мэһэйдээтэр, саҥа оскуола-сад тутуута тэтимин ыһыктыбатах, ону ааһан урутаан иһэр, тутууну эһиил үлэҕэ киллэриэхтэрэ. Оскуола 120 миэстэлээх, оттон уһуйаан – 75.
