Киирии

Киирии

Муус устар 13 күнүгэр Ньурба Маалыкайыгар СӨ Тырааныспарга уонна суол хаһаайыстыбатын министиэристибэтин көһө сылдьар мунньаҕа буолла.

Ньурбаҕа миниистир С.В. Винокуров салайааччылаах делегация сырытта. Оробуочай бөлөххө министиэристибэ Үпкэ уонна экэниэмикэҕэ департаменын салайааччытын солбуйааччы Е.А. Кондратьева, суол сулууспатын отделын салайааччытын солбуйааччы Б.И. Романов, “Ленатурфлот” ХЭУо салайааччыта Е.А. Балов, “Бүлүү” ФКУ Управлениетын генеральнай дириэктэрэ А.К. Сидоров уо.д.а. бааллар. Кинилэр аара баран иһэн Марха өрүһү туоруур күргэни көрдүлэр-иһиттилэр. “Сибмост” ХЭУо начаалынньыга бу күһүн күргэ тирэҕэ түһэн бүтүөхтээҕин, ол кэннэ тутуу монтааһа бэлэмнэниэхтээҕин туһунан эттэ. Маны таһынан Маар аччыгый үрэххэ икки кыра күргэ тутуллуохтаах. Күргэ тутуутугар Абакантан уонна Красноярскайтан 68 киһи үлэлии сылдьар. Күргэ 2019 сылга үлэҕэ киириэхтээх.

31bf32ae 1ca6 454a 9871 d93064105faa

Нэһилиэктэргэ үрдүкү сололоох дэлэгээссийэни сахалыы сиэринэн алгыстаах, алаадьылаах көрүстүлэр. Төһө да бириэмэ ыгым буоллар, дэлэгээссийэ кыттыылаахтара анаан-минээн Малдьаҕар нэһилиэгэр Баһылай Манчаары уҥуоҕар сырыттылар.

Министиэристибэ кэллиэгийэтин мунньаҕа Маалыкай оскуолатыгар буолла. Манна улуус нэһилиэктэрин баһылыктара, суол уонна тырааныспар хаһаайыстыбатын тэрилтэлэрин салайааччылара, норуот дьокутаата В.М. Прокопьев, чугастааҕы нэһилиэк актыыптара кытыннылар.

Сүрүн дакылааты миниистир С.В. Винокуров, Ньурба улууһун баһылыга А.М. Иннокентьев, ИСУ начаалынньыга М.С. Семенова, “Бүлүү” Упрдор бэрэстэбиитэлэ Р.Д. Макарова, “Ленатурфлот” салайааччыта Е.А. Бало оҥордулар. Кэпсэтиигэ нэһилиэк баһылыктара уонна дьокутааттар көхтөөхтүк кытыннылар. Кэллиэгийэ чилиэннэрэ кинилэри кытары улуус тырааныспар комплексын кыһалҕаларын ырыттылар.

Быйылгыттан Дьаархан–Маалыкай хайысханан өрүһүнэн социальнай суолталаах  тиэйиини сөргүтэргэ быһаардылар. Бу хайысханан “Ленатурфлот” 20 миэстэлээх салгын тэллэхтээх "ирбистэрэ" сылдьыахтара. Маныаха өрөспүүбүлүкэ өттүттэн дьону тиэйиигэ дотация көрүллэрэ былааннанар. Ити, биллэн турар, дьону тиэйиигэ куттал суоһаабатын үрдэтиэҕэ. Маны таһынан, кэллиэгийэ чилиэнэрэ улуус салалтатын кытары Маалыкай туһаайыытынан суолу тутууга бырайыак-сметэ докумуоннарын оҥорорго дуогабардастылар. Маны таһынан аччыгый авиацияны сөргүтүү туһунан боппуруос көтөҕүлүннэ. Быйыл Минтранс 4 бөртөлүөтү ылары былаанныыр, онтон биир бөртөлүөт Ньурба куоратыгар базаланыаҕа.

006cd765 e358 4eb7 97ff 53e2ff25e105

Кэллиэгийэ түмүгэр, миниистир үчүгэй үлэһиттэргэ наҕараадалары туттартаата. Баһылык А.М. Иннокентьев ыалдьыттарга барҕа махталын биллэрдэ.

Маннык кэллиэгийэ Маалыкай курдук суола-иһэ суох, түҥкэтэх нэһилиэккэ буолбута устуоруйаҕа киириэн сөп. Дэлэгээссийэ чилиэннэрэ сааскы быыһык, суол алдьанар кэмигэр олохтоохтор хайдахтаах курдук усулуобуйаҕа айанныылларын эт хааннарынан биллилэр. Бу иннинэ Ньурба улууһугар ТХМ кэллиэгийэтэ үлэлээбитэ.

Ньурба улууһун дьаһалтатын пресс-сулууспата

Тарҕат:

Ырытыыгын суруй

Защитный код
Обновить

Бүтэһик сонуннар