Войти

Войти

Хаҥалас улууһун Тиит Эбэ нэһилиэгэр төрдүс ыйын «Сайдыы» кэллэктиибинэн үлэ куйаара (пространоство коллектвной работы) көхтөөхтүк үлэлии турар. Төһө да хоруона хамсыга турдар, бу үлэ тиһигэ тохтообокко дистанционнай ньыманнан ыытылла турар. Бу күннэргэ VI эрэгийиэннэр икки ардыларынааҕы “Новаторство” форума тэриллэн нэһилиэк салгыы сайдарыгар саҥа саҕахтар арылыннылар.

«Сайдыы» кэллэктиибинэн үлэ куйаара – эрэгийиэҥҥэ тыа сирин сайдыытын бастакы ситимэ. Бу саҥа сүүрээн ыччат тыа сириттэн тэйэн, улахан куораттарга дьулуһуутун тохтотор, саҥа тыыны биэрэргэ ылсар соруктаах. Инньэ гынан, тыа сирин олохтоохторугар саҥалыы сыhыаны олохтоон, бэйэни салайыныыга саҥалыы ылсар кыаҕы олохтуур. Бастатан туран, бу олохтоох дьону нэһилиэк сайдыытыгар быһаччы кылааттарын киллэрэрэллэригэр көҕүлүүр. Бырайыак сүрүн сыала – араас эйгэ бэрэстэбиитэллэрэ бииргэ үлэлэһэллэрин кэҥэтии, онуоха табыгастаах усулуобуйаны тэрийии буолар.

«Сайдыы» – тыа сирин саҥа моделын олоххо киллэриигэ сүрүн киин

2 2

Тыа сирин дьоно-сэргэтэ бэйэ ыккардыларыгар чугастык алтыһан, тыын боппуруостары ырытан, саҥа идеялары уонна бырайыактары үөскэтэн, бииргэ түмсэн хамаанданнан тыа сирин олоҕун тупсарар кыахтаныахтара. Маннык дьаһал «Новая модель села» көҕүлээһини олоххо киллэриигэ биир сүрүн хардыынан буолар.

Ол курдук, ааспыт нэдиэлэҕэ «Сайдыы» VI эрэгийиэннэр икки ардыларынааҕы VII “Новаторство” форумун былаһааккатын тэрийэргэ кыттыыны ылла. Манна федеральнай уонна эрэгийиэннээҕи эспиэрдэр, ону тэҥэ нэһилиэнньэ көхтөөх өттө быһаччы кыттыһан, тыа сирин сайдыытын саҥа стратегиятын дьүүллэстилэр.

2022 сыл бүтүөр дылы култуура кииннэригэр эбэтэр бибилэтиэкэлэр базаларыгар 50 кэллэктиибинэй үлэ куйаарын арыйар сорук турар. Бу сыл устата кэллэктиибинэн үлэни сайыннарарга 300-тэн тахса араас хабааннаах дьаһаллары ыытар кыаҕы биэриэҕэ. Култуура эйгэтин үлэһиттэригэр акселерационнай куурус кэмигэр атын улуустарга «Сайдыы-Тиит-Эбэ» кэллэктиибинэн үлэ уопутун киэҥник тарҕатыахтара. Маныаха «Индустрия будущего» АНО уонна Саха сирин култуураҕа уонна духуобунай сайдыыга министиэристибэтэ «Сайдыы» хамаанданы үөрэтиэхтэрэ. Бу хамаанда инникитин тыа сиригэр кэллэктиибинэн үлэ миэстэтин эрэ буолбакка, тыа сирин сайыннарар уонна өрөспүүбүлүкэ инники кэскилин түстүүргэ ылсан үлэлэһиэҕэ.

Тарҕат:

Добавить комментарий

Бүтэһик сонуннар