“Олохтоох каадырдары – бырамыысалыннаска” бырайыак иитинэн АЛРОСА хампаанньа 2020 сыл 9 ыйын түмүгүнэн Саха сирин 991 олохтооҕун үлэҕэ ылбыт. Бу туһунан хампаанньа пресс-сулууспата иһитиннэрэр.
Хампаанньа персорналы кытары үлэлэһэр сулууспатын начаалынньыга Алина Пацианская иһитиннэрбитинэн, бырагыраама чэрчитинэн баахта ньыматынан уонна быстах үлэҕэ 226 киһини ылбыттар. “30 саастарыгар диэри 223 эдэр дьону быйыл хампаанньа үлэҕэ ылбыта. Тыа сириттэн –121 ыччаты. Уопсайа 9 ый түмүгүнэн 1834 киһини үлэҕэ ыллыбыт”, - диэн иһитиннэриигэ суруллар. Маны таһынан, хампаанньа идэҕэ үөрэтиигэ, эбии үөрэхтээһиҥҥэ уонна эдэр исписэлиистэри стажировкаҕа ыытарга 1 мөл.солк. тахсаны куппут. Олохтоохтору хампаанньаҕа үлэҕэ ылыы бырагыраамата 2022 сылга диэри үлэлиир.
