Войти

Войти

Хоруона хамсыгын бохсор федеральнай суһал штаб иһитиннэрбитинэн, Саха сиригэр ахсынньы 10 күнүнээҕи туругунан COVID-19 инфекцияттан сылтаан 6 киһи быстыбыт. Бэҕэһээ биир киһи өлбүт.

Бу сааскыттан хоруона хамсыга туруоҕуттан, бу суостаах ыарыыттан 320 киһи сырдык тыына быстыбыт. Саха сирэ бу ыарыыттан өлүүгэ Уһук Илиҥҥэ үһүс миэстэҕэ сылдьар. Уһук Илиҥҥэ саамай элбэх киһи Бурятияҕа – 495 уонна Забайкалье кыраайыгар – 339 киһи өлбүт.

Суукка устатыгар Саха сирин балыыһаларыттан 396 киһини эмтээн таһаарбыттар, уопсайа 19354 киһи үтүөрбүт. Бүгүн 205 киһи хоруона хамсыгар хаптарбыта бигэргэммит. Уопсайа хамсык туруоҕуттан 22 164 киһи ыалдьыбыт.

Тарҕат:

Добавить комментарий