Войти

Войти

Саха сирин медиктэригэр хоруона хамсыгыттан быыһыыр вакцинаны биэрэн саҕалаатылар. Бу туһунан брифинг кэмигэр Ольга Балабкина кэпсээтэ.

“Бээтиниссэттэн саҕалаан биһиги мэдэссиинэ эйгэтигэр үлэлиир дьоммутугар быһыыны биэрэн саҕалаатыбыт. Маркировканы вакцина толору ааста, билигин медиктэр вакцинаны ылан саҕалаатылар”, - диэтэ хотун Балабкина. Быһыыны ылбыттар аны 21 күнүнэн хос ылаллар. Медиктэри иккистээн вакциналаабыттарын кэннэ социальнай үлэһиттэр ылыахтара. Ахсынньы 9 күнүгэр Саха сиригэр 300 вакцина кэлбитэ. Оттон аан бастакы вакцинаны манна балаҕан ыйын 23 күнүгэр хоруона хамсыгар хаптарбыт дьону кытары быһаччы үлэлэһэр дьоҥҥо биэрбиттэрэ. Ый саҥатыгар Путин быраастары уонна учууталлары маассабай вакцинацияннан хабыҥ диэн сорудахтаабыта. Оччолорго дойдуга 2 мөл. тахса вакцина дозата бэлэм этэ.

Тарҕат:

Добавить комментарий