Өрөспүүбүлүкэтээҕи баһаары бохсор сулууспа пресс-сулууспата иһитиннэрбитинэн, Таатта улууһун Ытык Күөлүгэр бэйэ тутуу хочуолунайыгар дэлби тэбии тахсыбыт.
“Баһаарынай сулууспалар тиийэллэригэр хочуолунай өһүөтэ сууллубут. 1960 сыллаах төрүөх оһоҕу оттооччу эр киһи эчэйбит”, - диэн биэдэмэстибэҕэ эттилэр. Дэлби тэбии туохтан тахсыбытын, ким буруйдааҕын быһаараллар. Аварийнай-быыһыыр дьаһаллары ыытыыга 5 киһи үлэлиир. Миэстэтигэр силиэстийэлиир-оперативнай бөлөх үлэлиир.
