Войти

Войти

Өрөспүүбүлүкэ араас нэһилиэнньэлээх пууннарыгар хаппытаалынай өрөмүөн пуондатын чэрчитинэн үлэ ыытыллар. Маннык үлэ биһиги Мииринэйбитигэр, ахсынньы аам-даам тымныыларын аахсыбакка ыытылла турар.

Ханна эбит, маннык тымныыга үлэлииллэрэ буолуо дуо? Хабараан тымныыга эдэр уолаттар, түөрт этээстээх таас дьиэ үрдүгэр чысхаан, тымныы күүлэйдиир сиригэр чаҕыйбакка үлэлии сылдьаллар. Киһи да аһына саныыр. Бу, хамнастаныахпыт этэ диэн, эдэр дьон хаарыаннаахай доруобуйаларын харыстаммакка чааһы-чааһынан таһырдьа үлэлииллэр. Тоҥоллорун, сылайалларын этэ да барыллыбат. Үөһэттэн халтырыйан аллараа да сурулуур куттал баар.

Оттон хаппытаалынай өрөмүөн ыытыллар дьиэтэ – Ленинград бэрэспиэгин 19-с дьиэтин кырыыһата суох олорбута балачча кэм буолла. Ахсынньы аргыардаах тымныытыгар, кырыыһата суох олоруу, арыынан-сыанан аҕаабата биллэр. Бу эргэ “хрущевка” дьиэ буолан, үрдүттэн үргүөрдээх. Ону, саҥалыы, халыҥ боолдьохтоон, металлочерепицанан бүрүйээри, бачча тыйыс кэмҥэ үлэлии сырыттахтара.

Станислав Алексеев. Мииринэй куората.

Тарҕат:

Добавить комментарий