Войти

Войти

Мииринэй куоратыгар бу күннэргэ -40 кыраадыстаах аам-даам тымныылар тураллар.Ахсынньы 14 күнүгэр, эбиэт кэнниттэн ылата, куорат үгүс дьиэлэрин ититэр батарыайалара уонна регистрдэрэ эмискэччи сойуталаан барбыттара. Киэһэлик ититэр тэриэбэлэр тымныйталаан дьон уолуйталаабыта.

Мииринэйи сылааһынан уонна итии-тымныы уунан хааччыйар ПТВС тэрилтэ аварийнай-диспиэччэрскэй сулууспатыгар олохтоохтор “дьиэлэрбит тымныйдылар, батарыайалар ончу итиппэттэр” диэн үҥсүтэлээн, араллааны тардан барбыттара.Ол биричиинэтинэн, куорат сүрүн хочуолунайыгар, тыын тэриэбэлэр үлэлэрин кэһиллиилэрэ буолбут.Бэҕэһээ икки хочуол үлэтин тохтооһуна нэһилиэнньэни улаханнык ыксата сырытта.

Ону ПТВС тэрилтэтин тустаах биригээдэтэ түргэн туттуулаахтык дьаһанан, хочуоллар аккаастыыр кутталын түргэнник дьалбарыттылар.

Санатан эттэххэ, Мииринэй сүрүн хочуолунайыгар үс куруук үлэлиир, биир резервэ хочуоллара уонна улахан сааххал буолар түбэлтэтигэр биир суукка куораты хааччыйар кыахтаах саппаас диисэл ыстаансыйата бааллар.

ПТВС үлэһиттэрэ киэһэ 6 чаас 30 мүнүүтэҕэ хочуолунай штатнай эрэсиимҥэ үлэлиирин ситистилэр.

Мантан ыла сааххал буолар куттала намыраата.

Станислав Алексеев. Мииринэй куората.  

 

Тарҕат:

Добавить комментарий