Дьокуускайтан улууска кыһыҥҥы каникулга барар уһуйаан иитиллээччилэрин, оскуола оҕолорун мэдэссиинэ көрүүтүнэн хабыахтара. Бу туһунан хамсыгы бохсор суһал штаб салайааччытын солбуйааччы Ольга Балабкина брифинг кэмигэр кэпсээтэ.
“Дьокуускайтан улуустарга Саҥа дьыллааҕы каникулга барар оҕолору миэстэтигэр педиатрическэй мэдэссиинэ хонтуруолугар ыларга быһаарынныбыт. Бу сайыҥҥы курдук мэдэссиинэ көрүүтүн ыытыахпыт”, - диэтэ хотун Балабкина. Маны таһынан, нэдиэлэ бүтүөр дылы үөрэх, култуура, успуорт министиэристибэлэрэ үөрэх кэмигэр интэринээккэ олорор оҕолор төрөппүттэригэр барыыларын хааччыйар бэрээдэги олохтуохтаахтар.
