Уһук Илиннээҕи авиахмпаанньа тэрилиннэҕинэ, федеральнай бүддьүөттэн субсидия көрүллэн, өрөспүүбүлүкэ иһинээҕи көтөр хайысхаларга айан сыаната түһэрин хааччыйыан сөп. Бу туһунан Айсен Николаев эрэдээктэрдэри кытары көрсүһүү кэмигэр эттэ.
Бэрэсидьиэн Владимир Путин дьаһалынан Уһук Илиҥҥэ “Аврора” авиахмпаанньа базатыгар биир кэлим эрэгийиэннээҕи авиахмпаанньа тэриллиэхтээх. Айсен Николаев “сорох эрэгийиэннэр бэйэлэрин авиахампаанньаларын толору биэрэргэ быһаарыммыттара. Кинилэр саныылларынан, Уһук Илиннээҕи авиахмпаанньа тэрилиннэҕинэ, эрэгийиэннэр икки ардыларынааҕы уонна иһинээҕи маршруттарга федеральнай бүддьүөттэн субсидияны ылар буолуохтара. Биһиги хампаанньабыт “Аврора” нөҥүө ити субсидияны ылыаҕа”, - диэн Айсен Сергеевич быһаарда. Оччоҕуна өрөспүүбүлкэ иһинэн көтөргө тарыып аччыаҕа уонна авиапарканы саҥардарга кыах бэриллиэҕэ.
