Войти

Войти

Сунтаар улууһун баһылыга Анатолий Григорьев уонна Соҕуруу Кэриэйэ Чолла-Намдо провинциятын Тамян уеһын муниципальнай сэбиэтин баһылыга Ким Чжон О бэҕэһээ, ахсынньы 22 күнүгэр онлайн сибээһинэн бииргэ үлэлэһэр туһунан Сөбүлэҥи түһэристилэр. Бу туһунан Ил Дархан уонна бырабыыталыстыба бэрэссэдээтэлин дьаһалтатын пресс-сулууспата суруйар.

“Быйыл Арассыыйа уонна Кэриэйэ Өрөспүүбүлүкэтэ дипломаттыы сибээһи олохтообуттара 30 сылын туолар, онон бу бэлиэ сылга маннык Сөбүлэҥ түһэрсиллибитэ өссө дириҥ суолталаах”, - диэн тас сибээс уонна норуоттар дьыалаларыгар миниистир Гаврил Кириллин кэпсээбит.

Сунтаардар кэриэйдэри кытары араас уобалаһы хабан бииргэ үлэлэһиэхтэрэ, ол иһигэр – тыа хаһаайыстыбатыгар, култуураҕа, үөрэх эйгэтигэр, ыччат бэлиитикэтигэр итиэннэ физическэй култуураҕа уонна успуортка. Маны таһынан, сөбүлэҥ чэрчитинэн бу эйгэҕэ исписэлиистэри атастаһыннарар дьаһаллар ыытыллыахтара, култуура уонна айар соойуустар киэҥ хабааннаах үлэни ыытыахтара, урбааны, эргиэни уонна туризмы сайыннарыахтара. Тамян кэрэ айылҕалаах сиргэ турар, баай култуурунай устуоруйалаах уеһынан буолар.

Тарҕат:

Добавить комментарий