Дьокуускай куорат биир ТСЖтын бэрэссэдээтэлэ тэрилтэттэн 9,47 мөл.солк. иҥэриммитигэр уорбаланан суут иннигэр эппиэттиэҕэ. Бу туһунан борокуратуура пресс-сулууспата иһитиннэрэр.
Уорбаланааччы 2016 алтынньытыттан 2019 сыл тохсунньу 31 күнүгэр дылы бэрэссэдээтэл дуоһунаһыгар олорон, туох да буҕаалтыр учуота суоҕун туһанан, ыаллара хомунаалынай өҥө иһин биэрбит төлөбүрдэриттэн сиэбигэр укта олорбут. Уопсайа 9 мөл. 473 тыһ. солк сиэбит диэн силиэстийэ сабаҕалыыр. Билигин силиэстийэ түмүктэнэн, суут көрүүтүгэр утаарыллыбыт. Уорбаланааччы 10 сылга дылы хаайыыга барыан сөп.
