Киирии

Киирии

Бэҕэһээ Кангалас баһаарынайдара саҕалаабыт аччыктааһыннара тохтотулунна (Маҕан уонна Зырянка баһаарынайдара эмиэ). Бүгүн кинилэргэ премьер Евгений Чекин тиийэ сырытта. Сирэй көрсөн олорон, баар кыһалҕалары хайдах быһаарары дьүүллэстилэр. Өрөспүүбүлүкэтээҕи баһаары утары охсуһар сулууспа начаалынньыга Николай Иванов уонна кини солбуйааччыта Геннадий Бондарь быстах кэмҥэ үлэлэриттэн тохтотулуннулар. Билигин сулууспаҕа улахан бэрэбиэркэ саҕаланна.

Премьер Чекин “маннык дьон болҕомтотун тардар аахсыйалары биһирээбэппин да буоллар, буола турар быһыыны-майгыны көтөхпүккүт үчүгэй. Эһиги боротокуолунан туруорсуугут барыта сөбүлэһии кэннэ толоруллуоҕа” диэтэ.

Боротокуолунан маннык боппуруостары быһаарыахтара:

  1. Муус устар 18 күнүгэр диэри обмундированиенан хааччыйыы дьаһаллара ылыллыахтаахтар
  2. Ыам ыйын 10 күнүгэр диэри этиллибит чэпчэтиилэргэ уонна хос үлэ, итиэннэ кутталлаах үлэҕэ сылдьалларын иһин төлөбүргэ эбии үбү көрүөхтээхтэр.
  3. Бу сыл устата дьиэни өрөмүөннүөхтэрэ
  4. Муус устар 15 күнүгэр диэри ааспыт сыллааҕы 13-с хамнас төлөнүөҕэ
  5. Муус устар 23 күнүгэр диэри Дьокуускай куораттааҕы суут эбии 7 күннээх уоппусканы биэрэргэ уонна эбии көмүскэнэргэ харчыны көрөргө уонна үлэ усулуобуйатын тупсарарга уураахтаабыт быһаарыныыта олоххо киллэриллиэхтээх
  6. Муус устар 23 күнүгэр диэри үлэлэниллибит кэм иһин хамнас төлөбүрүн боппуруоһа быһаарыллыахтаах
  7. Муус устар 23 күнүгэр диэри Унаров (уураппыттар) үлэтигэр хос ылыллыахтаах, Аргунову кытары үлэҕэ ылларыыга кэпсэтии барыахтаах (ууратарга күһэйбиттэр)
  8. Муус устар 25 күнүгэр диэри начаалынньыгы бэрэбиэркэлиэхтэрэ.
Тарҕат:

Ырытыыгын суруй

Защитный код
Обновить

Бүтэһик сонуннар