Войти

Войти

Ааспыт суукка устатыгар Саха сиригэр эбии 153 киһи хоруона хамсыгар хаптарбыта билиннэ. Бу туһунан брифинг кэмигэр зампред Ольга Балабкина кэпсээтэ.

"16 улууска хоруона хамсыга бигэргэннэ. Дьокуускайга 65 киһи ыалдьыбыт", - диэтэ хотун Балбакина. Мииринэй улууһугар - 23, Алдаҥҥа - 14, Нерюнгрига - 11, Бүлүүгэ - 7, Мэҥэ Хаҥаласка - 6, Аммаҕа, Булуҥҥа, Уус Алдаҥҥа  - түөртүү, үстүү ыарыһах - Ленскэйгэ уонна Өймөкөөҥҥө, Кэбээйигэ, Тааттаҕа, Уус Майдаҕа - иккилии, биирдии ыарыһаҕы Намҥа, Хаҥаласка уонна Чурапчыга бигэргэппиттэр. Суукка устатыгар 1991 коронавирус анаалыһын оҥорбуттар. Уопсайа хамсык саҕаланыаҕыттан 896 455 тест ыытыллыбыт. 

Саха сиригэр 39 учаастакка коронавирус вакцинатын биэрэллэр. "Тохсунньу 18 күнүнээҕи туругунан, Саха сиригэр хоруона хамсыгыттан 5 242 вакцина дозата кэлбитэ, ону 2 474 киһи ылбыта", - диэтэ Ольга Балабкина. Кини этэринэн, билигин 13 улууска вакинаны биэрии ыытыллар. Билигин дьону маассабай вакцинациялыырга эбии доза кэлэрин көһүтэн олороллор. 

Тарҕат:

Добавить комментарий