Хаҥалас улууһун олохтоохторо, Александра Васильева уонна Наталья Герасимова Забайкалье кыраайыгар суол быһылааныгар суорума суолланнылар. Бу туһунан улуустааҕы дьаһалтаҕа биллэрдилэр.
"Быһылаан тахсыбытын туһунан бу сарсыарда иһиттибит. Александра Семеновна бу айаҥҥа бараары отгул ылбыта, оттон Наталья Михайловна уоппускаҕа сылдьыбыта", - диэн улуус дьаһалтатыгар хараастан туран кэпсээтилэр. Дьахталлар Забайкальскай кыраайга массыына атыылаһа барбыттар, Читаттан төннөн иһэн суох саахалыгар түбэспиттэр. Александра Васильевна улуустааҕы киин балыыһаҕа провизорынан үлэлээбит, балыыһа идэлээх сойуустарын салайбыт, Наталья Герасимова - "Алмазкредитсервис" СКПК буҕаалтыр-кассирынан үлэлээбит. "Кинилэр иккиэн Хаҥалас улууһун волейболга дьахталларга сүүмэрдэммит хамаандатын чилиэннэрэ, дьахталлар сэбиэтин кытыылаахтара, олоххо олус көхтөөх дьон этилэр", - диэн эттилэр. Наталья 2-с уонна 6-с кылааска үөрэнэр оҕолордоох, оттон Александра икки улахан уолаттардаах.
"Daihatsu Terios массыына тохсунньу 17 күнүгэр 17 ч. 40 мүн. КАМАЗ массыынаҕа кэтиллибит, суоппар уонна олорсон иһэр дьахтар тута өлбүттэр", - диэн Забайкалье кыраайын ГИБДДта иһитиннэрэр.
Сүтүктээхтэргэ кутурҕаммытын тиэрдэбит.
