Войти

Войти

Бу иннинэ дьаҥҥа ылларыы ордук элбэх түбэлтэлэрэ – тохсунньу 16 күнүгэр (20), тохсунньу 18 күнүгэр (23) бэлиэтэммиттэрэ.

Ааспыт сууккаҕа, өрөспүүбүлүкэтээҕи ковиды утары охсуһар штаб чахчыларынан, Мииринэйгэ 23 киһи ыарыйда. Дьон ыалдьа турар. Туох да биллэр сибикитэ суох ыалдьааччылар хамсыгы тарҕаппыттарын курдук тарҕата сылдьаллар. Саҥа дьыл түүн Ленин болуоссатыгар баһаам киһи мустубута. Үөрүү, куустуһуу, сыллаһыы-уураһыы бөҕөтө буолбуттара.Мииринэй олохтоохторо, бөлөҕүнэн сылдьан, петарда эһэ-эһэ, сампааны-буокканы кэтэрдэ-кэтэрдэ, мааската суох күүлэй бөҕөтө буолбуттара.

20210108 101629

Саҥа дьыл иннинэ хоруона хамсыгынан ыалдьыы 15-тэн ордубат этэ.Бырааһынньык кэнниттэн Мииринэй инфекционнай балыыһатын ковиднай уонна провизорскай отделениелара – тобус-толорулар.

Алта уонна аҕыс саастаах уоллаах кыыс, эһэлэрин-эбэлэрин, төрөппүттэрин кытары ковиднай отделениеҕа киирдилэр.

IMG 20210108 WA0004

Реанимацияҕа кырдьаҕас, дьоҥҥо ытыктанар быраас, тыҥатын 70 бырыһыанын коронавируска сиэттэрэн баран, өр баҕайы ИВЛ аппараатыгар холботторон сытта. Аҕыйах хонуктааҕыта дьэ үтүөрдэ. Туруга билигин этэҥҥэ.

IMG 20210108 WA0006

«Кыһыл ковиднай зонаҕа» хастыы да системаны ылааччы, ыарахан туруктаах ыарыһах элбээтэ. Кыраадыстаахтар үгүстэр.Удачнайга эмиэ балаһыанньа соччото суох. Соторутааҕыта онно эдэрчи саастаах саха дьахтара суорума суолламмыта.Дьон ыалдьа туруутун сүрүн биричиинэтинэн, Мииринэйгэ соҕурууттан хоруона хамсыгынан ыалдьыбыт дьон быыстала суох кэлэ туруулара буолар. Ыалдьыбыттарын билэ-билэ кэлэллэр.Дьон бөҕөтүн сутуйдулар. Дьэ, ыарахан балаһыанньа. Хаһан вакцинабыт кэлэн абырыыр?

Станислав Алексеев, Мииринэй куората. Ааптар фотота.  

Тарҕат:

Добавить комментарий