Киирии

Киирии

Муус устар 16 күнүгэр Дьокуускайтан Аллараа Бэстээххэ диэри салгын тэллэхтээх суудуналар сылдьан саҕалаатылар.

“Сахаводсервис” хампаанньа салайааччыта Борис Строев этэринэн, билигин 202-с түөлбэ даамбатыттан 10 суудуна сылдьан саҕалаабыт. Улахан киһиэхэ айан сыаната биир хайысхаҕа – 1000 солк., оҕолорго – 500 солк. Чааһынай суудуна хаһаайыннара бары холбоһон биир хампаанньаны төрүттээбиттэр – “Сахаводсервис”. Кинилэр пааркаларыгар 20 “Хивустаахтар” уонна 4 аэроботтаахтар.

Айан сыаната навигация саҕаланыар диэри биир тарыыптаах буолуо диэн ким да эрэннэрбэт. Муус барыытыттан тутулуктаах. Өскөтүн муус ыараханнык бардаҕына, аҕыйах күҥҥэ сыана үрдүөн сөп үһү. Ирбистэр сарсыарда 8 чаастан киэһэ 19 ч. диэри сылдьаллар.

Санаттахха, Саха сирин өрүстэригэр массыына сырыыта муус устар 16 күнүттэн сабыллыбыта.

Тарҕат:

Комментарии

Защитный код Обновить