Войти

Войти

Тохсунньу 19 күнүнээҕи туругунан, Саха сиригэр  эбии 150 киһи хоруона хамсыгар хаптарбыта бигэргэммит. Бу туһунан хамсыгы бохсор суһал штаб иһитиннэрэр.

 Ол курдук, киин куораппытыгар  59, Мэҥэ Хаҥаласка - 13, Алдаҥҥа - 12, Мииринэйгэ, Бүлүүгэ - 10-нуу, Нерюнгрига - 9, Аммаҕа - 7, Томпоҕо - 5, Булуҥҥа, Өлүөхүмэҕэ, Тааттаҕа - 4-түү, Хаҥаласка уонна Чурапчыга - 3-түү, Горнайга, Эдьигээҥҥэ, Ленскэйгэ - иккилии итиэннэ Үөһээ Бүлүүгэ биир киһи ыалдьыбыттара биллибит.

Сууккаҕа 634 коронавирус анаалыһын оҥорбуттар.

Саха сиригэр хоруона хамсыгын утары маассабай вакцинация саҕаланна. Бүгүҥҥү күҥҥэ номнуо 2700 киһи быһыыны ылбыт, кинилэртэн 600 киһи вакцинаны толору (иккитэ) ылбыт. Вакцианы ылбыт киһи хайаан даҕаны Госуслуги саайтыгар киирэн бэйэ хонтуруолун дневнигин толоруохтаах. Үлэлиир сиргитинэн тэрилтэҕит лиссиэнсийэлээх эмтиир тэрилтэлэри кытары дуогабар түһэрсэн вакцинаны биэрэргэ суруттарыан сөп. Вакцинаны ылбыт дьон син биир мааскалах сылдьаллара ордук. Тохсунньу 25 күнүттэн Госуслуги нөҥүө вакцинаны ыларга суруттарар кыахтаныахпыт. Бүгүн 22 тыһ. вакцина дозатын аҕаллылар диэн брифинг кэмигэр миниистир Елена Борисова кэпсээтэ. Тохсунньу-олунньу ыйдарга өрөспүүбүлүкэҕэ барыта холбоон 69500 вакцина дозата тиэллиэхтээх.

Тарҕат:

Добавить комментарий