Мииринэйгэ хамсык туруга: уон күҥҥэ – 177 ыарыһах.

Мииринэй оройуонун үрдүнэн хоруона хамсыгын сыба кимиитэ салҕанан барар. Тохсунньу 11 күнүттэн 21-гэр диэри 177 киһи хоруона хамсыгар ылларда. Бу – киһини дьиксиннэрэр сыыппара.

Ааспыт сыл ахсынньытыгар арыый ама курдук этибит. Тохсунньу 21 күнүгэр, Мииринэй оройуонугар, 25 киһи ыалдьыыта – хоруона хамсыга өссө күүһүрбүтүн дьэҥкэтик туоһулуур. Бу күҥҥэ диэри, уон күн устата, төһө киһи ыалдьыбытын суруйабын:

11.01.21. 12 киһи.

12.01.21. 12 киһи.

13.01.21. 10 киһи.

14.01.21. 19 киһи.

15.01.21. 13 киһи.

16.01.21. 19 киһи.

17.01.21. 21 киһи.

18.01.21. 23 киһи.

19.01.21. 10 киһи.

20.01.21. 13 киһи.

21.01.21. 25 киһи.

Барыта – 177 киһи.

Онон, Мииринэй ковиднай госпитала ыарыһахтарынан күн бүгүн тобус-толору. Балаһыанньа кытаанах.

Тохсунньу 20 күнүттэн ылата Мииринэй поликлиникатын 122-с кэбиниэтигэр «Спутник-V» вакцинаны биэртэлии тураллар.

Эрэлбит эрэ ол хаалла.

Станислав Алексеев. Мииринэй куората. Ааптар фотолара.