Войти

Войти

Мэҥэ Хаҥалас Хатылымытыгар тохсунньу 21 күнүн киэһэтигэр икки кыбартыыралаах дьиэҕэ баһаар буолла.

 Хомойуох иһин, алдьархай тахсыбыт сиригэр икки оҕо өлүгүн буллулар. Хаптаҕайтан баһаары умулларар хамаанда тиийбитигэр, дьиэ номнуо аһаҕас уотунан күүдэпчилэнэ турбут. Ол түмүгэр 96 кв. м. иэннээх дьиэ күл-көмөр буолбут, 2014 уонна 2016 сыллаах төрүөх оҕолоро өлүктэрин булбуттар. Миэстэтигэр ЫБММ дозователлэрэ уонна Силиэстийэлиир кэмитиэт силиэдэбэтэллэрэ уонна криминалистар үлэлииллэр.

Маны таһынан, бэҕэһээ, тохсунньу 21 күнүгэр Өлүөхүмэ куоратыгар икки этээстээх уопсай мас дьиэ умайбыта. Ол түмүгэр  түөрт киһи эчэйбитэ, 1965 сыллаах дьахтар өлбүтэ. Уопсайа 490 кв.м. иэннээх дьиэ умайбыт. Билигин биир эр киһи уокка сиэтиллэн  реанимацияҕа сытар, биир дьахтар - хирургияҕа, кини туругун быраастар "орто ыар" диэн сыаналыыллар. Өссө икки киһи терапияҕа эмтэнэллэр.

Тарҕат:

Добавить комментарий