Нам сэлиэнньэтин килбэйэр киинигэр 31 кыбартыыралаах, 4 мэндиэмэннээх сабыс саҥа дьиэ үлэҕэ киирдэ. Кэтэһиилээх малааһыҥҥа Ил Дархан Айсен Николаев илбэ бэйэтинэн кытынна, саҥа хаһаайыттарга күлүүстэри үөрүүлээх быһыыга-майгыга туттартаата.
Кини Саха сирэ федеральнай үптэн хаарбах дьиэттэн көһөрүү бырагыраама иитинэн саамай элбэх үбү ыларын санатта, инньэ гынан улахан куораттарга эрэ буолбакка, тыа сиригэр эмиэ саҥа дьиэлэр дьэндэйэллэр. Ил Дархан Намҥа киирбит дьиэ куукунатыгар тиийэ миэбэлинэн хааччыллыбыт бастакы дьиэ буоларын тоһоҕолоото. Бу бырагыраама чэрчитинэн, Нам улууһугар кэнэҕэһин 2025 сылга диэри 30 тыһ. кв.м. дьиэ тутуллуохтаах, 2099 киһи сабыс саҥа дьиэлэргэ көһүөхтэрэ. Улуус баһылыга Юрий Слепцов Ил Дархаҥҥа уонна бырабыыьталыстыбаҕа улууска аадырыстаах көмөнү оҥороллорун иһин махтанна. Бу дьиэ Нам сэлиэнньэтигэр онус таас дьиэннэн буолбут. Тутуу сүрүн бэдэрээччитинэн "АЭБ Капитал" ХЭУо буолбут.
