140 киилэ ыйааһыннаах АХШ гражданина 8 ыйы быһа сыралаһан 60 киилэни түһэрбит үөрүүтүн Москубаҕа кэлэн бэлиэтиэн баҕарбыт.
Бу киһи Москубаҕа көтөн кэлбитигэр, аэропорт хонтуруолун үлэһиттэрэ кини пааспарын көрөн баран: “Тоҕо сымыйа пааспарынан, сокуоннайа суох Арассыыйаҕа кэллиҥ? Ханна баран иһэҕин, төһө өр буолар былааннааххын?” – диэбиттэр. Ол кэннэ кинини полиция учаастагар киллэрэн 5 чааһы быһа доппуруостаабыттар, малын-салын хаспыттар, тоҕо сокуоннайа суох Арассыыйаҕа киирбитин “ис сүрэҕиттэн чиэһинэйдик билинэригэр” модьуйбуттар. Быһата, бу барахсан пааспарын хаартыскатыгар 140 киилэлээх сылдьан түһээхтээбит эбит. Ол хаартыската, биллэн турар, кини билиҥҥи мөссүөнүгэр майгыннаабат буоллаҕа. АХШ гражданина 5 чааһы быһа олорон Facebook-ка урут түспүт хаартыскаларын көрдөрөн, ырарга көмөлөспүт бырааһын, тренерин кытта сибээстэһэн, сор-муҥ бөҕөтүн көрөн эрэ баран итэҕэппит, кырдьыгын булуммут.
Ол кэннэ “бу – мин олохпор буолан ааспыт саамай ынырык күнүм” диэн интэриниэккэ суруйбут.
