Дьокуускай куорат оскуолаларыгар 1-11 кылаас үөрэнээччилэригэр ыраахтан уунан олорон үөрэниини тохсунньу 30 күнүгэр дылы уһаттылар.
Куорат үөрэҕин управлениетын начаалынньыга Алексей Семенов иһитиннэрбитинэн, маннык быһаарыныы куоракка хаһыс да нэдиэлэтин сатыылаабыт тоһуттар тымныылартан сибээстээн ылыныллыбыт. Күнү-дьылы кэтээн көрөөччүлэр сылыктыылларынан, бу нэдиэлэ бүтүөр дылы халлааммыт сылыйар санаата суох үһү.
— Төрөппүттэр быһаччы көҥүллэринэн эрэ тус дьарыктар ыытыллыахтара. Ити олимпиадаҕа уонна үөрэхтэн хаалбыт оҕолор эбии дьарыктаналларыгар сыһыаннаах, - диэн Алексей Семенов тоһоҕолообут.
