Войти

Войти

Уус Майда улууһун Петропавловскайыгар "Демография" национальнай бырайыак иитинэн 90 миэстэлээх "Аленушка" оҕо уһуйаана үлэҕэ киирдэ. Уһуйаан үөрүүлээх арыллыытыгар Ил Дархан Айсен Николаев сырытта.

Икки мэндиэмэннээх, уопсайа 1605,54 кв. м. иэннээх тутуу автономнай дизеллээх, онон уот харгыһа суох үлэлиэҕэ. Мны таһынан баһаар куттала суоһаабатын курдук туох баар дьаһаллар ылыныллыбыттар уонна видеонан кэтээн көрүү туруоруллубут. Уһуйаан 6 бөлөхтөөх, муусука уонна успуорт саалалардаах, аныгылыы ас астыыр блок, оранжерея, мэдэссиинэ уонну уйулҕа үлэһитин кэбиниэттэрэ бааллар. Ил Дархан Айсен Николаев үөрүүлээх аһыллыыга бу курдук тыл эттэ: "Бастаан манна кэлэрбэр эп-эргэ, хаарбах туруктаах уһуйаан дьиэтэ баара. Оччолорго бар дьон дьокутаата, ЛОРП генеральнай дириэктэрэ Сергей Ларионов хампаанньа үбүгэр саҥа уһуйаан тутуутун көтөхпүтэ. Бырабыыталыстыба ити харчыны хайдах төнүннэрэри быһаара илик, оттон тутуу номнуо дьэндэйдэ", - диэтэ.Тутууну 2020 сылга саҕалаабыттар, онно олохтоох дьон үлэлээбиттэр.

Тарҕат:

Добавить комментарий