Войти

Войти

Ааспыт суукка устатыгар өрөспүүбүлүкэҕэ эбии 120 киһи хоруона хамсыгар хаптарбыта бигэргэммит. Бу туһунан хамсыгы бохсор суһал штаб салаайааччытын солбуйааччыта Ольга Балабкина бүгүҥҥү брифинг кэмигэр иһитиннэрдэ.

«Дьокуускайга 38 киһи ыалдьыбыт, Мииринэй улууһугар — 23, Алдан улууһугар — 17, Нерюнгрига — 11,  Мэҥэ Хаҥаласка — алта киһи ыалдьыбыттар», — диэтэ хотун Балабкина.  Маны таһынан, 4-түү хамсыкка сыстыбыт дьону Нам, Аллараа Халыма, Уус Алдан улуустарыгар бигэргэппиттэр. Үстүү ыарыһах Аллайыаха уонна Эдьигээн улуустарыгар, иккилии киһи  —  Дьааҥы, Бүлүү уонна Ленскэй улуустарыгар ыалдьыбыттара биллибит. Биир ыарыһах Чурапчы улууһугар бигэргэммит. Суукка устатыгар 1 782 коронавирус анаалыһын оҥорбуттар, уопсайа хамсык саҕаланыаҕыттан 912185 тест ыытыллыбыт.

Тарҕат:

Добавить комментарий