Эбээн Бытантай улууһун Кустууругар 2009 сыллаахха тутуллубут орто оскуола дьиэтэ умайа турар диэн иһитиннэрдилэр.
Орто оскуола уопсай иэнэ 1100 кв.м. кэриҥэ. Уот сыста турар успуорт саала өттүттэн тахсыюыт. Билигин үөрэнээччилэр дьиэттэн олорон үөрэнэр буоланнар, баһаар кэмигэр оскуолаҕа оҕо суох эбит, арай үлэлэригэр баар учууталлары суһаллык эвакуациялаабыттар. Билигин уоту умулларыыга бары күүһү уураллар. Улууска сибээс быстар мөлтөх буолан, улуустааҕы Биир кэлим диспиэччэр сулууспатыгар (ЕДДС), баһылыкка кыайан эрийэн тиийбэтибит.
Баһаар тахсыбыт туһунан иһитиннэрии 17 ч. 25 мүн. киирбит. Барыллаан иһитиннэрииннэн, баһаар хочуолунайтан тахсыбыт буолуон сөп. Вице-премьер Алексей Колодезников 19 ч. Кустуурга тахсыбыт баһаарга суһал мунньаҕы хомуйуоҕа.
