Стопкоронавирус.рф. федеральнай саайт суруйарынан, Саха сиригэр олунньу 2 күнүнээҕи туругунан, хоруона хамсыга туруоҕуттан уопсайа 491 киһи бу дьаҥтан суорума суолламмыт.
Хамсык саҕаланыаҕыттан уопсайа өрөспүүбүлүкэҕэ 30834 киһи ыалдьыбыт, олортон 27988 киһи этэҥҥэ үтүөрбүт. Хомойуох иһин, бу ыар дьаҥ 491 Саха сирин олохтооҕун күн сириттэн күрэппит. Тэҥнэбилгэ ыллахха, 1 мөл. 894 тыһ. 38 нэһилиэнньэлээх Ленинград уобалаһыгар уопсайа 31136 киһи ыалдьыбыт, 28205 киһи үтүөрбүт, 438 киһи өлбүт.
