Дьокуускай куорат борокуратуурата биир дьахтар айфон төлөппүөнү кирэдьиит атыылаһаары сымыйа дааннайдары эппитин иһин уорбалаан суукка модьуйууну биэрбит.
Суут бу дьахтары Арассыыйа ХК 159.1 ыст. 1 ч. (кирэдьиит ылаары сымыйа сураҕы этэн туран кирэдьиит эйгэтигэр түөкүннээһин) толору буруйдааҕынан аахпыт. Суукка биллибитинэн, уорбаланааччы дьахтар 11-с айфону атыылаһаары кирэдьиит ылар сиргэ тиийбит уонна бастайааннай үлэтин, хамнаһын туһунан көрөн туран албыннаабыт. Дьиҥэ, бу дьахтар оннук түптээх үлэтэ да, хамнаһа да суох эбит. Айфонун албыннаан туран ылан баран, дьахтар кирэдьиитин иһин биир кэлтэгэй кэппиэйкэни төлөөбөтөх.
Суут борокуруор туруорсуутун толору ылыммыт уонна дьахтары 5 ый күһэлэҥ үлэҕэ, хамнаһыттан 5 бырыһыаны судаарыстыба дохуотугар биэрэргэ уураахтаабыт. Бириигэбэр сокуоннай күүһүгэр киирбит.
