Работа.ру саайт Тапталлаахтар күннэрин иннилэригэр Арассыыйа олохтоохторо ордук кими кытары чугастык билсэн сылдьыһыахтарын баҕаралларын чинчийбит.
Онно көстөрүнэн, дойду олохтоохторо урбаанньыттары (62%), быраастары (57%), программистары (53%), инженердэри (45%) уонна учууталлары (42%) кытары таптал уотугар уйдарыахтарын баҕаралларын биллэрбиттэр. Оттон банкирдары кытары - 33%, пуобардардыын - 32%, бэрэсидьиэни кытары - 28%, дипломаттардыын - 27%, байыаннайдардыын - 25%, актердары уонна мусукааннары кытары - 17%, оттон блогердардыын - 1% киһи арамаантыкалыырга бэлэмнээҕин эппит .
