Маны кэккэ холобурдарга да көрүөххэ сөп. Элбэхтик ааҕар, суруйар, көмпүүтэри уонна планшеты кытары үлэлиир дьон харахпыт бөрүкүтэ суох.
Харах хааппылаларын куруук атыылаһарга күһэллэбит. Манна, Мииринэй аптекаларыгар, Японияҕа оҥоһуллубут «Каталин» офтальмологическай харахха кутуллар суурадаһын сыаната – 900 солк. Дьокуускайга бу эми 617 солк. атыыласпытым.
Финляндия офтальмологическай суурадаһынын – «Оффтан Катахромы», Мииринэйгэ 6 мөһөөктөн чэпчэкини булбаккын. Онтубут Дьокуускайга – 400 солк.Харахха битэмииннэри таммалатар суурадаһын – «Тауфон» - Мииринэйгэ сыаната үс мөһөөк.Онтубут Дьокуускайга 123 солкуобайга атыыланар эбит.«Лютеин форте» харах-көс үлэтин тупсарар эмп (таблетка) Мииринэйгэ Дьокуускайдааҕар балтараа төгүл ыарахан.Бэл, «Черника Форте» Мииринэй аптекаларыгар Дьокуускай гиэнинээҕэр сыаната ботуччу.
Оттон тиис миилэтин хааннырыытын бопсор «Парадонтакс» паста (75 мл) Мииринэй аптекаларыгар – 310 солк. Ону Дьокуускайга 230 солк атыылыыллар. “Спазмалогон”(20 таблетка) Мииринэйгэ – 250 солк. Дьокуускайга – 200 солк. “Но-шпа”(24 ) Мииринэйгэ – 205-276 солк. Дьокуускайга - 119 солк. “Супрастин”(20) Мииринэйгэ – 159. Дьокуускайга – 132 солк.“Аквафор” мурун сарыытын сайҕыыр муора уута Мииринэйгэ Дьокуускай аптекаларынааҕар балтаараа төгүл ыарахан сыаналаах.Аны, утуйан быстыбакка эрэйдэнэр дьоҥҥо аналлаах эмп Мииринэйгэ сыаната сөхтөрөр.24 таблеткалаах американскай “Мелаксен” Дьокуускайга 694 солк атыыланар буоллаҕына, Мииринэйгэ – 980 солк. Мииринэйгэ «Арбидол» капсулалаах эмэ – 683, таблеткалааҕа – 470 солк. Дьокуускайга «Арбидол» капсулалааҕа – 585, таблеткалааҕа - 109-293 солк.
Эмп-томп Мииринэйгэ ыарахан сыаналаах.Ону бу диэки кэлэр-барар дьон бука диэн учуоттааҥ.
Станислав Алексеев. Мииринэй куората.
