Войти

Войти

Маҕан бөһүөлэгиттэн умайа турар дьиэттэн икки оҕону өрүһүйдүлэр. Бу туһунан эрэгийиэннээҕи ЫБММ пресс-сулууспата суруйар.

Баһаар бүгүн, олунньу 16 күнүгэр, куорат кытыытынааҕы Маҕан сэлиэнньэтигэр Киров уулуссатыгар турар икки кыбартыыралаах дьиэҕэ тахсыбыт. "Баһаарынайдар тиийэллэригэр биир кыбартыыра уотунан күүдэпчилэнэ турбут. Умайа турар дьиэттэн 4 уонна 5 саастаах өйдөрүн сүтэрбит оҕолору таһаардылар", - диэн иһитиннэриигэ этиллэр. Оҕолору суһал көмө быраастарыгар туттарбыттар. Умайбыт кыбартыыраҕа 16 кв. м. иэннээх муоста уонна миэбэл уокка былдьаммыт. Быһылаан тахсыбыт сиригэр ЫБММ дознавателлэрэ уонна силиэдэбэтэллэр үлэлииллэр.

Тарҕат:

Добавить комментарий