"Строймонтаж-2002" тутуу тэрилтэтин салайааччытыгар холуобунай дьыала көбүтүлүннэ.
Онуоха төрүөтүнэн салаайааччы дьаһалынан Дьокуускайга биир кыбартыыраны иккитэ атыылаабыттара буолбут. Саха сирин борокуратуурата иһитиннэрэринэн, генеральнай борокуруор солбуйааччыта Дьокуускайга кэлэ сырыттаҕына эмсэҕэлээбит дьахтар бэрэстэбиитэлэ тус кэпсэтиигэ сылдьан баар кыһалҕаны кэпсээбит, онуоха борокуратуура орооһон дьахтар дьиэ ылар бырааба чөлүгэр түспүт.
2019 сыл тохсунньутугар жьахтар уонна "Строймонтаж-2002" тутуу тэрилтэтин салайааччыта биир хостоох кыбартыыраны биэрэргэ дуогабардаспыттар. Ол эрээри, тиһэҕэр дуогабар быһыытынан кыбартыыра бэриллибэтэх. Тоҕо диэтэр, ити кыбартыыраны номнуо атын киһиэхэ биэрбиттэр эбит, ону тутуу тэрилтэтин салайааччыта аһара бэрткэ билэр эбит. Дьахтар кырдьыгын көрдөөн силиэдэбэтэллэргэ эҥин тиийэ сылдьыбыт эбит да, холуобунай дьыаланы тэрийэртэн батына турбуттар. Оттон борокуратуура орооспутун кэннэ биирдэ салайаччыыга түөкүннээһин чахчытынан дьыаланы дьэ көбүттүлэр. Салайааччы ол кэннэ тута хоромньутун төлөөбүт, онтунан дьахтар дьиэтин ылбыт. Былырыын ахсынньыга "Строймонтаж-2002" дольщиктар харчыларын атын сыалга туттубутун иһин дьыала көбүппүттэрэ. Уопсайа 193 киһи эмсэҕэлээбит. Соторутааҕыта Арбитраж суута тутуу тэрилтэтин моҥкуруукка ыыппыта.
