Кыһыҥҥы суолунан таһаҕаһы тиэрдии хойутаан иһэр. Ону уонча күн иһигэр туоратар былааннаахтар. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
ГоскомОБЖ дааннайдара этэринэн, 2020-2021 сылга кыһыҥҥы суолунан уопсайа 767,4 тыһ. туонна таһаҕаһы тиэрдиэхтээхтэр эбит. Онтон олунньу 17 күнүнээҕи туругунан, былааннаммыт таһаҕас 48,3% эрэ тиэрдиллибит. Хонтуруолга Мэҥэ Хаҥалас, Өймөкөөн, Томпо, Усйуаана, Хаҥалас, Чурапчы, Эбээн Бытанай улуустарын ылбыттар. Оттон Арктика улуустарыгар ордук кутталлаах таһаҕаһы тиэрдиини, "ДьУОХХ" ГУТка киин улуустартан тиэйиҥ диэн сорудахтаныллыбыт. Маны таһынанан, тыа хаһаайыстыбатын бородууксуйатын тиэйиигэ былааннаммыт 239 туоннаттан 10 туоннатын эрэ тиэрдибиттэр, тиэрдии графигын былааныттан 30 бырыһыан хаала сыталлар. Онуоха бу иннинэ сатыылаабыт томороон тымныылар уонна таһаҕаһы тиэрдэр саҥа массыыналар хойутаан кэлбиттэрэ буолбут.
