Войти

Войти

Саха сирин аҕа баһылыгын уонна бырабыытылыстыбатын сайтыгар бэлиэтэнэринэн, 2022 сылтан саҕалаан, өскөтүн гражданин анал испииһэккэ киллэриллибит буоллаҕына, былаас тутуллара киниттэн тустаах хотугу аҕыйах ахсааннаах омук буоларын туоһулуур докумуонун ирдиир бырааптара суох буолуоҕа.

Испииһэк гражданнарга кинилэргэ көрүллүбүт чэпчэтии өҥөлөрүн туһанарга докумуон оҥоруутун судургутутуоҕа.

Олохтоох былаас, итиэннэ бүддьүөтү таһынан пуондалар, хотугу аҕыйах ахсааннаах норуоттарга туһаныллар чэпчэтиилэри оҥорого туоһулуур информацияны аны быһа анал реестртан ылар буолуохтара.

«Аҕыйах ахсааннах хотугу норуоттар тустарынан биир кэлим испииһэги таҥыынан национальнастар дьыалаларынан федеральнай агентство дьарыктанар буолуоҕа. Бу тэрилтэ олохтоох бэйэни салайынар дьаһалталар биэрэр информацияларынан туһанан итиэннэ гражданнар тус сайабылыанньаларыгар олоҕуран туран учуот ыытар буолуоҕа”, – диэн этиллэр бу иһитиннэриигэ.

Сайабылыанньаны хайдах быһыылахтык сөпкө толоруу туһунан сүбэ-ама – fadn.gov.ru официальнай сайтка сиһилии сырдатылынна.

Манна диэн бэлиэтээн эттэххэ , бу судаарыстыбыннай өҥөнү судургутук ылар туһуттан, МФЦ нөҥүө докумуону биэрэр кыах баар буоларын туһунан боппуруос билиҥҥэ кэмҥэ быһаарылла сылдьар. Бүгүҥҥү күн туругунан туох баар долгутар, мунаахсыйар ыйытыыларгытын Хотугу норуоттар дьыалаларын отделларыгар, быраап уонна этнология экспертизатыгар тиийэ сылдьаргытыгар сүбэлииллэр.

Тарҕат:

Добавить комментарий