Войти

Войти

2016 сыллаахха Мииринэй куоратыгар Московскай уулуссаҕа 71 кыбартыыралаах таас дьиэ дьэндэйэн испитэ баара.

Бу дьиэни оройуон былаастара бүддьүөт үлэһиттэригэр, бастатан туран учууталларга анаабыттара. Дьиэ тутуутун «Строймонтаж2002» тэрилтэ саҕалаабыта. Ити тэрилтэ быйыл Арбитраж суутун уурааҕынан моҥкурууттаабыта.

Бастаан утаа үлэ тигинэччи саҕаламмыта. Тулааһына, эркиннэрэ, быысаһар истиэнэлэрэ сүрдээх түргэнник ууруллан, ыпсарыллан, эбийиэк бэркэ баран испитэ. Ол эрээри 2017 сылтан ылата тутуу тэтимэ мөлтөөн, бытааран барбыта. Бүтэр уһугар, 2018 -2020 сылларга тутуу букатын да туран хаалбыта. Бу маннык балаһыанньа куораты дьөрү киэркэппэт. Кэмниэ-кэнэҕэс, өр сылларга соҥуоран турбут тутуу 2021 сылга сөргүтүллэр буолла.

Бу туһунан Мииринэй оройуонун дьаһалтатын баһылыга Р.Юзмухаметов «Алмаастаах кыраай» теле-араадьыйа хампаанньаҕа биллэрдэ.

 

Станислав Алексеев. Мииринэй куората . 

Тарҕат:

Добавить комментарий