2021 сыл туругунан, Өрөспүүбүлүкэ реестрыгар, уопсайа 1815 дьиэ кэргэн бэлиэтэммит биэс уонна онтон элбэх оҕолоох ыал ахсаныгар. Бу курдук элбэх оҕолоох ыал олорор усулуобуйатын тупсарыыга 200 мөлүйүөн солкуобай көрүллүбүт. Эрдэттэн оҥоһуллубут испииһэккэ, социальнай төлөбүрү ылыан сөптөөх дьон ахсааныгар, 2012 сыл, балаҕан ыйын 12 күнүттэн учуокка турбут дьиэ кэргэттэр кииристилэр.
Биэс уонна онтон элбэх оҕолоох ыалга дьиэ-уот атыылаһалларыгар (тутталларыгар) көрүллүбүт социальнай төлөбүрдэри төлөөһүн быраабылалара өрөспүүбүлүкэ быраабытылыстыбатын уурааҕынан бигэргэтиллибиттэрэ(29.03.2018 № 82).
Өрөспүүбүлүкэтээҕи элбэх оҕолоох дьон реестрыгар киирэргэ, дьи уот атыылаһарга (туттарга) социальнай төлөбүргэ ыларга киирсэргэ, дьиэ кэргэн маннык усулуобуйаларга сөп түбэһиэхтээх:
-20 сылтан Саха сиригэр олорбут буолохтаах
-олохтоох бэйэни салайынар уорганнарга чахчы дьиэҕэ-уокка наадыйар киһи быһыытынан учуокка туруохтаах.
- сайабылыанньа биэрэр кэмигэр биэс эбэтэр онтон элбэх сокуоннай саастарын ситэ илик оҕолордоох буолуохтаах.
Ахсынньы 1 күнүгэр диэри гражданин олохоох нэһилиэнньэ социальнай көмүскэлин Салалтатыгар тиийэн, кинини «Гражданнары олорорго табыгастаах, үчүгэй дьиэнэг-уотунан хааччыйыы» бырагырааматыгар киллэрэргэ диэн сайабылыанньа суруйара ирдэнэр. Сайбылыанньаҕа кытыарар ирээт докуомуоннары барытын сонно тута миэстэтигэр үлэһиттэр быһааран биэрэллэр.
Сайабылыанньалары итиэннэ ирдэнэр докумуоннары гражданин почтанан, эбэтэр электроннай форматынан, Интернет ситиминэн ыытыан сөп.
Үлэ уонна социальнай сайдыы министиэристибэтин пресс-сулууспата
Сэҥээриилэр
Таатта Ытык-Кюель