Өксөкүүлээх аатынан Норуоттар доҕордоһууларын киинэ муус-устар 4-5 күннэригэр, күнүс 15 чаастан Саха сиригэр Чэбдигирии сылыгар анаммыт «Норуоттар төрүт астара» диэн омуктар икки ардыларынааҕы бырайыакка ыҥырар.
Бырагыраамаҕа:
15.00. - «Норуоттар төрүт астара» лекторий, Көстүүнэй, 2 этээс.
16.00. – Национальнай бүлүүдэлэр быыстапкалара. Мраморнай саала.
Бырайыакка кыттыыны Саха сирин национальнай-култуурунай түмсүүлэрин бэрэстэбиитэллэрэ, уус-уран кэлэктииптэр уонна биирдиилээн толорооччулар ылаллар.
Эһигини чөл аһылык, эмтээхх от, утах туһунан интириэһинэй сэһэргэһии, ырыа-тойук, дьону кытта алтыһыы күүтэр.