Уһук Илиҥҥэ аан бастакы бөдөҥ таас чохтон ылыллар кытаанах оттук тэрлтэтин Саха сригэр тутуохтаахтар. Онуоха өрөспүүбүлүкэҕэ анал эспиэрдир хамыыһыйа тэриллиэхтээҕин премьер Андрей Тарасенко сорудахтаабыт.
Ол хамыыһыйаҕа собуот тутуллар сирин бэрэстэбиитэллэрэ, туһааннаах струкутаралары кытары бырайыак олоххо киирэр бары түһүмэхтэригэр быһаччы кыттыһар актыбыыстар, экологтар киириэхтэрэ. Кинилэр ортолоругар – “Сахабыт сирин айылҕатын харыстыаҕыҥ” экологическэй хамсааһын актыбыыстара уонна Нерюнгри оройуонун бэрэстэбиитэллэрэ. Муус устар 10 күнүгэр дылы хамыыһыйаҕа киирэр дьон испииһэгин бигэргэтиэхтэрэ. Уһук Илиҥҥэ аан бастакытын тэриллэр металлургическэй кокса тэрилтэтэ сылга 4 мөл. туоннаны оҥоруоҕа, эбии 1400 киһи үлэннэн хааччылыаҕа уонна өрөспүүбүлүкэҕэ нолуогу төлүөҕэ. Маны таһынан, социальнай инфраструктура балысханнык сайдан барарын сылыктыыллар. «Цзинъань» диэн Кытай хампааньата бу бырайыагы олоххо киллэриигэ 5 млрд юань угар соруктаах. Кытай хампаанньата уонна Саха сирэ тулалыыр эйгэни харыстыырга экологическэй сэбиэти тэрийиэхтэрэ.
