Войти

Войти

Бырабыыталыстыба бэрэссэдээтэлэ Андрей Тарасенко бүгүн, муус устар 2 күнүгэр, Владивостокка Узекистан генеральнай консула Рустамом Исмаиловы кытары көрүстэ,. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр. 

Көрсүһүүгэ Узбекистан  Генерального консульстватын атташета  Нематилло Музаффаров, өрөспүүбүлөкэ вице-премьерэ Сергей Местников, тас сибээс миниистирэ Гаврил Кириллин, Уһук Илиҥҥэ Саха сирин бастайааннай  бэрэстэбиитэлистибэтин солбуйааччы  Валерий Протопопов,  Дьокуускайга МИН бэрэстэбиитэлистибэтин бастакы сэкэрэтээрэ первый  Наталья Татаринова кыттыбыттар. Онно Узбекистан уонна Саха сирэ инники сыһыаннарын тула кэпсэппиттэр.

Арассыыйаҕа Узбекистан 7 генеральнай консульствота үлэлиир, эбии 3 консульство арылларын күүтэллэр. Өрүттэр култуура, үөрэх, успуорт уонна туризм эйгэлэригэр хардарыта сыһыан туһунан дьүүллэспиттэр. Андрей Тарасенко атыыны-эргиэни, чуолаан бородуукта, чэпчэки бырамыысалыннас, тырааныспар эйгэтигэр сайыннарыахха сөбүн тоһоҕолообут. 

Рустам Исмаилов Узбекистан гражданнара Арассыйа сокуонун билиилэригэр, үлэҕэ сокуону кэспэккэ киириилэрин, социальнай адаптацияны ааһалларын, нуучча тылын, дойду норуоттарын култуураларын билиигэ сүрүн үлэ барарын эппит. Кини манна биир дойдулаахтарын кытары көрсүбүт.  Консул тойон Тарасенконы Узбекистаҥҥа ыалдьыттата ыҥырбыт. 

Хаартысканы Мария Васильева, СИА түһэрбит.

 

 

Тарҕат:

Добавить комментарий