Войти

Войти

Үөрэх тэрилтэлэрин үлэһиттэрин 60 % -тан тахса дьоно, хамсыгы утары быһыы ыллылар. Мантан улахан аҥаара – эбии үөрэхтээһин үлэһиттэрэ.

Муус устар 5 күнүгэр хамсык тарҕыныытын утары үлэлиир куораттааҕы суһал ыстаап уочаратаах мунньаҕа буолла, диэн иһитиннэрэр уокуруктааҕы дьаһалта пресс-сулууспата.

Уһуйааччылар уонна үөрэнээччилэр эйгэлэригэр хамсык таһымын күннэтэ кэтээн көрөллөр, диэн бэлиэтииллэр Дьокуускай куорат үөрэхтээһинин бырабылыанньатыгар.

«Хамсык утары быһыыны эбии үөрэхтээһин 35 % - ннара ыллылар, бүгүҥҥү күн туругунан - куорат үрдүнэн бүттүүн үөрэх тэрилтэлэрин үлэһиттэрэ 65 % - ннара быһыы ылан баран сылдьаллар », - диэн дакылааттаата Дьокуускай куорат үөрэхтээһинин бырабылыанньатын салайааччытын солбуйааччы Егор Охлопков.

Куорат эбии үөрэхтээһинин тэрилтэлэригэр билиҥҥитэ 14 730 оҕо дьарыктанар. 2021 сыл, кулун тутар ыйыттан куорат эбии үөрэхтээһинин тэрилтэлэригэр күнүскү уонна таһыттан үөрэнии көрүҥэ олохтоммута. Ыраахтан олорон үөрэниигэ 4678 оҕо дьарыктанар, күнүскү уонна таһыттан сылдьыы көрүҥүнэн -10 052 оҕо үөрэнэр. 385 эбии үөрэхтээһин үлэһиттэриттэн, хамсык утары быһыыны 135 киһи туруорда.

Маны таһынан, суһал ыстаап мунньаҕар күнүскү уонна таһыттан сылдьааһын үөрэҕэр чааһынай тэрилтэлэргэ, уопсай туолуулара 75 % туолуутугар көҥүллүүр кыах баар буолуо дуо диэн боппуруоһу көрдүлэр, хамсык тарҕамматын утары туох баар миэрэлэри тутуһан туран.

«Элбэх чааһынай эбии үөрэх тэрилтэлэр, бу тэрилтэлэргэ оҕолоро куруһуоктарга сылдьар төрөппүттэр көрдөһүүлэрин учуоттаан туран, бу тэрилтэлэр күнүскү үлэлэрин көҥүллүүр туһунан боппуруоһу, Роспотребнадзор сөбүлэҥин эрэ кэнниттэн быһаарыы тахсыаҕа», - диэн этилиннэ суһал ыстаап мунньаҕар.

Тарҕат:

Добавить комментарий