Войти

Войти

Өлүөхүмэ улууһугар бэтэринээрнэй килииникэ штатыгар бу тэрилтэҕэ хаһан да биир да күн үлэлээбэтэх биэлсэр ааҕылла сылдьара биллибит. Силиэстийэ быһаарбытынан бэтэринээрнэй тэрилтэ өр кэм тухары бу дьахтарга хамнас төлөөн кэлбит, сымыйа биэлсэргэ төлөммүт харчы суммата биир мөлүйүөнү куоһарбыт.

Саха сирин борокоротуурата биллэрэринэн, Арассыыйа Федерациятын Холуобунай Кодексын 159 ыстатыйатын, 4 чааһынан (Массыанньыктааһын, дуоһунастаах сирэйинэн бэйэтин сулууспалаах балаһыанньатынан туһанан атын малы уоран ылыы) дьыала көбүтүллүбүт.

«Официальнайдык Үлэ Кодексынан үлэҕэ ылыллыбыт бэтэринээр-биэлсэр дьахтар киниэхэ сүктэриллибит үлэ эбээһинэһин биир да күн толорботох, аны олорор сирэ төрүт да Өлүөхүмэ улууһун таһынан буолара биллибит. Ону ол диэбэккэ, уһун кэм тухары тэрилтэттэн киниэхэ уопсай сууммата мөлүйүөнү аһарбыт хамнас ый ахсын төлөммүт», - этилллэр иһитиннэриигэ.

Холуобунай дьыала силиэстийэтэ улуус борокоротууратын хонтуруолугар сылдьар.

Тарҕат:

Добавить комментарий