Войти

Войти

Хаһыат, сурунаал Уһук Хоту улуустарга түргэнник тиэрдиллиэн сөп. Саха сиригэр “Рапост” диэн өрөспүүбүлүкэтээҕи бэчээти тарҕатар саҥа хампаанньа баар буолла. Бу хампаанньа “Почта России” монополист хампаанньаны кытары күрэстэһиэн сөп.

Бары билэргит курдук, почтаны тиэрдии олус бытааннык, мөлтөхтүк ыытыллара. Сорох түгэҥҥэ ыйы-ыйдаан хойутаан тиэрдиллэрэ. Инньэ гынан, хаһыаттарга, сурунаалларга дьон суруппат да буолбута. Бу кыһалҕа туһунан бүгүн парламент мунньаҕар эмиэ таарыйдылар.

“Биһиги дойдубутугар “Почта России” тэрилтэ аҥаардастыы соҕотоҕун айбардыы олорбута. Инньэ гынан, таһаҕаһы уонна бэчээти кэмигэр тиэрдии атахтанан турбута. Биһиги өрөспүүбүлүкэбит бу кыһалҕаны туоратыыга аан бастаан чопчу хардыылары оҥорон эрэр. Күн бүгүн “Рапост” хампаанньа “Сахамедианы” кытары дуогабардаһан бэчээт ырыынагын бэйэтигэр ылан эрэр”, – диэн сибээс уонна информационнай технология миниистирэ Александр Борисов тоһоҕолоото.

Маны таһынан, мунньахха “Почта России” дохуота түһэр кутталламмытынан, тэрийэр бэлиитикэтин уларытыан сөбүн туһунан санаттылар.

“Рапост” ХЭУо былырыын тэриллибит. Генеральнай дириэктэринэн урукку “Почта России” Саха сиринээҕи салаатын салайан олорбут Алевтина Игнатьева буолар.

Тарҕат:

Комментарии

Защитный код Обновить