Ил Дархан саҥа мэхэньиисимэ – барыстаах!

Улууска биллэр урбаанньыт С.С/ Сортолова кэтэх ыал үүтүн 1 киилэтин 30 солкуобайга тутан, Ороһу үүт тутар собуотугар астаан, бородууксуйа оҥорон атыыга таһаара турар. Суората - 80 солкуобай, натуральнай үүтэ - 90 солкуобай.

Урукку өттүгэр биһиги маҕаһыыннарбытыгар Бүлүү улууһун «Сыа Бүлүүтүн», Ньурба улууһун "Байарын" тэрилтэлэрин этэ натуральнай үүттэрэ кэлэн атыыга тахсаллар этэ .

Соҕотуопка эстэр айах муҥутан хаһыытыыллар, батсаап бөҕөнү барыыллар, хаһыаrка бүтүн балаһалары суруйаллар даҕаны маҕаһыыннарга толору араас "Молочнай дождик, "Моя семья, "Домик в деревне" үүттэрэ, кефирдэрэ бары бороһуоктан оҥоһуллан атыыланалларын ылан хамаҕаттык ыла олоробут .

Бу маннык астар куорат, тыа маҕаһыыннарын булбуттара үйэ буолла. Ити Уйбаан Пономарев биир совхозтар саҕана курдук комбикорм, сиилэс харыыта суох бэриллибэт даҕаны кыһыны быһа сыана бөҕөҕө от атыылаһан -таһан нэһиилэ күөх окко үктэммит ынахтан 5-6 ыйга ортотунан 2500 -3000 үүтү ыан " Гиннес рекордун " олохтоотубут диэн суруйар. Уйбаан Пономарев сүрдээх суоччут киһи билэр ээ, Тыа хаһаайыстыбатын министиэристибэтэ «Отел көрөр статическай отчуотунан» сылын аайы 70 тыһыынча 500 ыанар ынахтан үүт саамай ыанар кэмигэр от ыйыгар ынахпыт 65 % на төрүүр, ол эбэтэр 45 тыһыынча ынах төрүүр , оччо ньирэй кэлэр .

Ол төрөөбүт ынахтаах ыаллартан үүт туттарбат ыал өрөспүүбүлүкэ үрдүнэн элбэҕин Тыа хаһаайыстыбатын министиэристибэтэ учуоттаабат. Төрөөбөтөх ынах үүт биэрбэт, үүт туттарбат ыал үүт субсидиятын ылбат ол үрдүнэн 70 тыһыынча 500 төбө хаһан эбиллибэт, хаһан даҕаны көҕүрээбэт онон үөһэ суруйбут ынахтарга 1 туонна үүт ортотунан тутулларыгар оросчуоттананө 80 тыһыынча туонна үүт былаана 100% туолбутун туһунан сылын аайы үөрэ - көтө отчуоттуубут. Уйбаан Пономарев ону билбэтэ буолуо дии санаабаппын .

Өрөспүүбүлүкэ Ил Дархана Айсен Сергеевич Николаев урукку өттүгэр ыанар ынах билиҥҥи да кэмнээҕэр быдан элбэх эрдэҕинэ көрүллүбэтэх элбэх үбүлээһини 2021 сылга көрдө. Ол эбэтэр 4 миллиарды . КФХ лар , тэрээһиннээх хаһаайыстыбалар туттарар үүттэрин 1 киилэтин 50 солкуобайга туттарар буоллулар, кэтэх ыаллар ыанар ынахтарын төбөтүгэр 35 тыһыынчаны ылан тыа дьоно барахсаттар аан бастаан судаарыстыба илиититтэн ыраас харчыны тутан үөрдүлэр-көттүлэр. Өрөспүүбүлүкэ Ил Дарханыгар Айсен Сергеевичка махталлара улахан. Үүт туттарбат ыал элбэх буолан үүт субсидиятын ылбат дьон Айсен Сергеевич бэйэтэ быһа эфиргэ бар дьонугар эппитин курдук үбүлээһин тыа дьонун сиэбигэр быһа киирдэ, бары харчы ыллылар .

Эһиилгиттэн бу ыаллар ынахтарын төбөтүн харыстыахтара, тыһы тыһаҕастары эбии хаалларан ыанар ынахтарын эбиниэхтэрэ турдаҕа. "Уу хонор сиригэр хонор" диэн сахалар мээнэҕэ эппэттэр кэтэх ыалы өйөөһүн өссө кэҥээн , эбиллэн барыан сөп. Тыа дьонун туһугар Ил Дархан Айсен Сергеевич курдук тус кыһаллыахха наада, сорох ити суруйааччылар курдук тыа дьонунан сырайданан өрөспүүбүлүкэ бүддьүөтүттэн корпоративнай интэриэстэригэр харчы хостуу сатаабакка .

ИП Сортолова 1 киилэ үүтү 30 солкуобайга тутан өрөспүүбүлүкэ үрдүнэн холобур буолан саҕалаата. Кини атын соҕотуопка тэрилтэлэрин курдук элбэҕин Тыа хаһаайыстыбатын министиэристибэтиттэн "Возмещение затрат сырой части молока" диэн биир кэлтэҕэй кэппиэйкэ үүт субвенцийатын үбүлээһинин ылан туһамматынан, эргиппэтинэн сүрүн уратылаах .

Субвенция ылар соҕотуопка тэрилтэлэрэ 1 киилэ тутар үүттэрин 30 солкуобайга таһаардахтарына кырдьык да кэтэх ыаллар бары хамаҕатык туттаран, КФХ туттарар үүттэрин 1 киилэтэ 80 солкуобай буолан кырдьык даҕаны үүт бородууксуйа элбээн, ити Дождиктары , Дэриэбинэлэри , Семьялары маҕаһыыннартан үүртэлээн таһааран, Олохтоох бородуксуйа өрөгөйө буолуо этэ! Айсен Сергеевич тыа сирин үбүлээһинэ олус сөптөөх. Өссө төгүл тоһоҕолоон бэлиэтиибит - тыа дьоно махталлара улахан! Аан бастаан тыа дьоно бука бары биир киһитигэр тиийэ, Ил Дархан Айсен Сергеевич илиититтэн ыраас харчы туттулар .

Үөһээ Бүлүү улууһун Балаҕаннаах нэһилиэгин баһылыга Степан Дмитриев.