Британия парламена Британия бас билэр Кайман уонна Виргиния арыыларыгар баар офшорнай зоналарга миллиардынан суумалаах харчыны кистээн ууруна сытар Арассыыйа олигархтарын ааттарын арыйарга быһаарда. Бу иннинэ ол информация кистэлэҥ этэ. Бу быһаарыыны көҕүлээбит Консерватордар баартыйаларын чилиэнэ ону: “Аан дойду ханнык баҕарар муннугар Британия былааҕын анныгар саһан куһаҕаны оҥорорго анаан мунньуллубут кирдээх харчы хараллан сыппатын ситиһиэхтээхпит” диэн быһаарар.
Global Witness диэн тэрилтэ ааҕарынан, Британия офшорнай зоналарыгар Арассыыйа уоруйах чунуобунньуктара, дьокутааттара, олигархтара, быһа холоон, 47 млрд дуоллар харчыны кистээн ууруна сыталлар.
