Былыр-былыргыттан саха норуота ыарахан кэмҥэ бэйэ-бэйэбитигэр биир сомоҕо курдук көмөлөһөн, баччааҥҥы диэри омук быһыытынан ордон кэллэхпит. Сааскы халаантан Саха сирэ элбэхтэ эмсэҕэлээн кэллэ. Онуоха халаан содулун туоратыыга олохтоохтор күүскэ түмсэн, кыһалҕалаахтарга көмөлөһөр үтүө үгэстэннибит.
2001 сыллаахха Ленскэй куората ууга барбытыгар биир да киһи туора туран хаалбатаҕа. “Норуот күүһэ – көмүөл күүһэ” диэн мээнэҕэ эппэттэр. Ытыктабыллаах Саха сирин олохтоохторо! “Кыым” норуот хаһыата Амма улууһугар сааскы халаантан эмсэҕэлээбит кыһалҕалаах дьоҥҥо ким туох кыахтааҕынан көмөлөһөргүтүгэр ыҥырар! Нэһилиэк, улуус баһылыктара, тэрилтэлэр, уопсастыбаннай хамсааһыннар, биирдиилээн дьон бу аахсыйаҕа көхтөөхтүк кыттаргытыгар ыҥырабыт! Күн киһитэ көмүскэс! Айыы киһитэ аһыныгас!
Ким ханнык көмөнү оҥоруон баҕарарын эрэдээксийэҕэ Дьокуускай куорат, Киров аатынан уулусса 18, блок В, 709 офиска биллэрэргитигэр көрдөһөбүт. Электроннай аадырыспыт: Этот адрес электронной почты защищён от спам-ботов. У вас должен быть включен JavaScript для просмотра. Төл: 42-21-08, 34-47-40
