Киирии

Киирии

Бэҕэһээ тыа хаһаайыстыбатын миниистирэ Александр Атласов суһал штаб мунньаҕар ТХМ иһинэн тэриллибит хамыыһыйа уу түстэ да Амма улууһугар тиийиэҕэ диэн биллэрдэ.

Атласов эппитинэн, билиҥҥи туругунан улууска тыа хаһаайыстыбатыгар барыллаан ааҕыынан 11 мөл. 764 тыһ. солк. хоромньу тахсыбыт. Министиэристибэ кэлэктиибэ материальнай көмөнү оҥорорго быһаарыныы ылыммыт уонна эмсэҕэлээбит дьоҥҥо биир күннээҕи хамнастарын ыытыахтара.

“Ыам ыйын 16 күнүгэр судаарыстыбаннай бырагыраама чэрчитинэн көмө оҥоһуллуоҕа. Инньэ гынан, Амма улууһугар халаантан эмсэҕэлээбит тыа хаһаайыстыбатын бородууксуйатын оҥорон таһаарааччыларга 114 мөл. 739 тыһ. солк. кээмэйдээх үп көрүллүөҕэ, ол иһигэр эти уонна үүтү оҥорон таһаарааччыларга 80 мөл. 756 тыһ. солк. көрүллүөҕэ”, - диэн миниистир эттэ.

Миниистир этэринэн, Амма сэлиэнньэтигэр кэтэх уонна бааһынай хаһаайыстыбаларга сылгы-сүөһү аһылыгын хааччыйыы толору көрүллүбүт (5 туонна от, 7 туонна комбикорм, 5 туонна бурдук).

Александр Атласов эппитинэн, Чурапчы, Таатта уонна Уус Майда улуустарыгар эмиэ судаарыстыбаннай көмө оҥоһуллуоҕа. Маны таһынан, ыам ыйыгар 492 мөл. солк. харчынан көмөнү Хаҥалас, Нам, Уус Алдан, Мэҥэ Хаҥалас, Кэбээйи улуустара ылыахтара.

Тарҕат:

Ырытыыгын суруй

Защитный код
Обновить

Бүтэһик сонуннар