Киирии

Киирии

Билигин  Сунтаартан Мииринэйдиир айан харгыстанан турар.

Төһө да Бүлүү өрүс мууһа уһуннар, Кириэстээх сэлиэнньэтин аннынан паром өссө да сылдьа илик. Оттон атын туhаайыыга - Сунтаартан Устьелыыр паром, дьэ, тигинэччи үлэлээн эрэр. Онон Мииринэйдиир айанньыттар Кириэстээх аннынан Бүлүү өрүһү мотуорканан туораан баран, «стыковка» такситыгар олорсоллор. Ону да массыына баар түгэнигэр. Айанньыт элбэх оттон таксилааччы биир-икки.

mir3

Бэтэрээ кытылга айанньыттар Бүлүү Эбэни Мииринэйдиир аартык диэки мотуорканан туораары токуллан туралларыттан киhи хараастар эрэ. Иттэр, олорор, чэпчэтинэр да сир суох. Ардах буоллун, хаар буоллун – халлаан анныгар тураллар.

Хайдахтаах курдук аатырбыт сир баайдаах Саха сиригэр «тиийбэт тирии, тарпат тараhа» буолан олорорбутуттан киһи да сонньуйар.

Ол таксинан Оччугуй Ботуобуйа үрэх кытылыгар кэлэллэр. Онно МУАД аннынан тыы сылдьар. Ону да чопчу эрэсиимэ суох. Тыылаах табаарыс Мииринэйдээтэ эбэтэр Арыылаахтаата да, айанньыт үрэх кытылыгар уhун күнү супту «сынньанарга» күhэллэр арыт уот отто-отто хонор. Аны туоратыыбыт, биллэн турар, ботуччу харчы.

Оччугуй Ботуобуйа сыыдам сүүрүктээх үрэҕин тыынан туораат, «һуу, дьэ кэллим» диэбэккин. МУАД кытылыгар Мииринэй куоратыгар тириэрдэр «стыковка» такситын күүтэллэр. Айан былаһын тухары куруук күүтүү-манаһыы, эрэй бөҕө. Бу маннык хартыына сыл ахсын хатыланар.

Салайааччылартан, дьокутааттартан, биир эмит этигэн тыллаахтара бу суолталаах боппуруоска кыhаммат.

Саатар паромнарбытын уларыталлара буоллар. «Бүлүү» федеральнай суолугар биэс паром үлэлиир. Бары ааспыт үйэ тиэхиньикэлэрэ.

mir2

Оттон Оччугуй Ботуобуйа үрэххэ понтуон хаhан түhэрин МУАДтан ыйыттахха: «Наплавной мост будет, когда позволит зеркало воды» диэн тыллаахтар. Арыт букатын да кэпсэтэ сатаабаттар, куруубайдыыллар. «Бүлүү» федеральнай суол саайтыгар суруйбуттарынан, Оччугуй Ботуобуйа үрэххэ, понтуон бэс ыйын 10 күнүгэр диэки түhэриллиэхтээх. Мин билэрбинэн саамай эрдэлээбиттэрэ – ыам ыйын 22 күнүгэр, Оччугуй Ботуобуйа понтуоннанан турар. Саамай хойутаабыттара – бэс ыйын 8 күнүгэр. Хаhан элбэх сырыылаах Оччугуй Ботуобуйа үрэххэ күргэ тутан абырыыллар?!

Станислав Алексеев, Мииринэй куорат.

Тарҕат:

Ырытыы  

Александр Никифоров
+9 Александр Никифоров 16.05.2018 15:55
Олус да эрэйдииллэр дьону. Оччугуй Ботуобия-Малая Ботуобия улахан yрэх. Онно муоста обязательно наада. Ону игнордаатылар буолбаат!
Вилючанка муостатын уонча сыл туппуттара. Эмиэ эрэйдэммиттэрэ дьон. Былаас бу боппуруоска харал5аныттан кыйыттабын. :cry: :cry: :cry:
Ответить
Adsl
+10 Adsl 16.05.2018 17:33
Крестях аннынан уонна Малая Ботуобия yрэххэ алмазниктар муоста тутан кээhиэ эбиттэр. Алмаастаах провинция улуустарыгар умнуллубат подарок куддук.
Ответить
И
+8 И 16.05.2018 20:31
Сылын ахсын одно и то же.без просвета..
Ответить
Оччугуй
+9 Оччугуй 17.05.2018 07:15
Урут Оччугуй Ботуобуйа биэрэгэр дэриэбинэ баара. Столовайдаах, почталаах, клубтаах, автопаркалаах. Олор баайдык олорбуттара. Тyyн араас техниканан yрэх тyгэхин дэлби хастаран кэбиhэллэрэ. Олус диринник. Уонна сарсыардаттан Сунтарга ааhар техниканы ынырык ыарахан харчыга буксируйдууллар. Кэлин "хара маастар"(уголовниктар") баандалара переходу контрольга ылан олорбуттара. "Харалар" урут манна хаhаайыннаан олорбут Алмазнай уонна Мирнэй авторитеттарын тоhуталаабыттара. Олор этэрээт хомунан барбыттара. Мирнэйтэн милииссийэ спецгруппата автобуhунан кэлэн ыhыталаабыттара. Ити барыта муоста суохуттан.
Ответить
Tyga
+4 Tyga 17.05.2018 19:52
:o Дьэ тема эбит..
Ответить

Ырытыыгын суруй

Защитный код
Обновить