Дьокуускай аннынан муус устуута кэккэ ыарахаттары үөскэппитинэн, “Полярные авиалинии” авиа-хампаанньа өрүһү туоратарга Маҕан-Аллараа Бэстээх хайысхатынан бөртөлүөт сырыытын сөргүттэ.
Бөртөлүөт Маҕантан ыам ыйын 17 күнүгэр 16 ч. көтөрө былааннанар. Билигин Хатас-Табаҕа икки ардыгар хойуу муус мустубутунан салгын суудуналарынан айанныыртан туттунарга ыҥыраллар.
